Prošeavttat
Mis lea iešguđetlágan prošeavttat ja doaimmat. Eanaš prošeavttat leat olggobealde ruhtaduvvon, juogo Sámedikkis dahje Oahpahusdirektoráhtta.
Muhtin prošeavttaid ruhtadit ieža.
Našunála geahččaleamit sámegiela lohkamis
Sámi allaskuvla oaččui 2011 Oahpahusdirektoráhtas bargun ráhkadit Sámegiela lohkama nationála geahččalemiid 2011-2015.
Bargu lea virggálaččat biddjon Sámi lohkanguovddážii oktan ruhtademiin Odir.
Váldobargun lea sámegiela lohkama nationála geahččalemiid rahkadit golmma sámegillii, diibma lei vuosttaš jahki go dát čađahuvvojit golmma sámegillii.
Dasa gullet maid analyseren ja eará barggut. Čađaheami analysabohtosiid vuođul leat maid dollojuvvon lohkanmetodihkkakurssat sihke giđđat ja čakčat čađahanskuvllaid oahpaheddjiide ja jođiheddjiide.
Elgå prošeakta
Samien lohkemejarnge ossodat Elgås lea leamaš doaimmas badjel jagi.
Šiehtadus gaskal Sámi allaskuvlla, Sámedikki ja Engerdal suohkana vuollái čállojuvvui 05.02.13 ja gusto olggos jagi 2015. Šiehtadus galgá sihkkarastit oahpponeavvuid ja eará bargguid mat leat Elgå prošeavttas leamaš, oaččut daid earáide ávkin.
Barggut mat doppe leat tearbma barggut servodatfágas ja matematihkas, bidjat oahpponeavvuid mat leat adnon Elgå skuvllas oahpponeavvoportálai ovttas.no.
Elgå fágabiras lea maid searvan pilohtaprošektii ovdánahttit digitála álmmuhanreaiddu oahpponeavvoportálii ovttas.no. Oahpponeavvu «Sïjte» lea fargga garvvis ja almmuhuvvo oahpponeavvoportálii. Giellaspeallu New Amigos maid lea dáppe rahkaduvvon.
Ovttas / Aktan / Aktesne oahpponeavvoportála
Ovttas|aktan|aktesne leamaš oktasaš prošeakta gaskal Sámedikki ja Senter for IKT i Utdanningen. Prošeaktaáigodat lei 06/2010-06/2013. Prošeakta oktan njealljin bargin, sirdojuvvui lohkanguovddážii 01.07.2013 rájes bistevaš doaibman.
Oahpponeavvoportála lea olggobeale ruhtaduvvon doaibma. Oahpponeavvoportálas leat golmma oasis;
-Almmuhuvvon oahpponeavvuid bajilgovva, ja luoikkahanvejolašvuohta.
- Juogadanarena
-Digitála oahpponeavvuid almmuhanreaidu.
Bargui gullá maid diehtojuohkinbargu ja oahpahit geavahit bálvalusa iešguđetge osiid.
Kártengeahččaleamit
Kártengeahččaleamit lohkamis ja rehkenastimis 1.-3. ceahkis leat olggobeale ruhtaduvvon prošeakta, gč. juolludusreive Oahpahusdirektoráhtas. SLG galgá heivehit ja ráhkadit kártengeahččalemiid lohkamis ja rehkenastimis sihke davvi-, julev- ja lullisámegillii. Bargu lea álggahuvvon čakčat 2013 ja loahpahuvvo 2014 čavčča. Ulbmil lea ráhkadit iskamiid maid bokte skuvllat oidnet guđet oahppit dárbbašit sierra čuovvoleami.
TRAS julevsámegillii
Sámediggi lea juolludan doarjaga Sámi lohkanguovddážii jorgalit, heivehit ja prentet TRAS – Tidlig Registrering av Språkutvikling dárogielas julevsámegillii. Ovdalaččas lea dát jorgaluvvon ja heivehuvvon davvi- ja lullisámegillii.
Tras (davvisámegillii ÁGOR) lea áicanreaidu mii adno 2-5 jahkásaš mánáid giela áicamis beaivválaš dilis. Dát reaidu jorgaluvvo ja heivehuvvo dál julevsámegillii, ja geahččaluvvot referánsajoavkku bokte dađistaga.
Girji ja skovit galget leat gárvát 2015 geassái.
NetSam- sámi oahpahusa fierpmádat
Fierpmádaga bargu álggahuvvui guovvamánus 2013 Tromssas, gos válljejuvvoje oahpaheaddjit geat galge bargojoavku bokte álgobargguid bargat ollašuhttit fierpmádatálggaheami.
Sii barge gitta dassážii fierpmádat ásahuvvui Málatvuomis 19.09.12. Sámi oahpahusa fierpmádat lea riikkaviidosaš fierpmádat mii galgá boahtit ávkin oahpaheddjiide geat oahpahit sámegillii ja sámegiela.
Álgobargguid lea Sámi lohkanguovddáš ruhtadan ja jođihan. Fierpmádaga ásaheapmái oaččui fierpmádat ruhtadeami Sámedikkis. Jagi 2014 lea Sámediggi juolludan 300 000 ruvnno fierpmádahkii.
Sámi lohkanguovddáš lea fierpmádaga čállingoddi.
Sámi oahpahusa fierpmádaga birra lea sierra siidu, doppe leat eanet dieđut dán birra.
