VSAM-6102 Sámegiela ja girjjálašvuođa dutkan- ja oahpahushistorjá – joatkkaoahppun vuođđoskuvlaoahpaheddjiide

• Oahpu lágideapmi: Neahttadoarjjaoahpahus: Oahpus leat sihke fysalaš deaivvadeamit Sámi allaskuvllas ja neahttaoahpahus. Fysalaš deaivvademiid ii leat vejolaš čuovvut neahta bokte
• Oahpahusgiella: Davvisámegiella
• 15 oahppočuoggá
• Deaivadanplána: TimeEdit
• Liŋka:  Oahppoplána
• Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no

Dá lea joatkkaoahppu fálaldat oahpaheddjiide geain lea juo 60 oč sámegielas ovdalaččas, ja geat háliidit lassi gelbbolašvuođa hukset sámegiela ja sámi girjjálašvuođa fágasuorggis.

Oahpus čiekŋudit sámegiela ja sámi girjjálašvuođa dutkama ja oahpahusa historjái 1600-logu rájes dálá áigái. Oahpus guorahallat sámegiela fága ja fágadidaktihkalaš dieđalaš lahkonanvugiid ja vuodjut sámegiela sierra surggiid fágalaš čuolbmaásahemiide ja fága guovddáš bajásgeassin- ja kulturulbmiliidda. Dán oahppoovttadagas leat golbma oasi, main leat čuovvovaš fáttát:

1. Giella

• Giellahistorjá
• Sámegiela oahpahusa historjá

2. Lohkan ja čállin

• Kritihkalaš čállin ja ákkastallan

3. Girjjálašvuohta

• Girjjálašvuođa ja kultuvrra dutkan

Gáibádusat beassat eksámenii:

• Oassálastit 80 % lágiduvvon oahpahussii deaivvademiin ja neahttaoahpahusas.
• Fágalaš, čálalaš reflekšuvdnačálus. Studeanta vállje bargui fáttá (gielas, lohkamis/čállimis dahje girjjálašvuođas) ja dasa heivvolaš lohkanmeari. Fágaoahpaheaddji dohkkeha fáttá ja lohkanmeari. Studeanta čállá čállosa, man guhkkodat lea 5-6 siiddu. Studeanta ovdanbuktá čállosa oktasaš semináras. Bagadallan lea oktagaslaš barggu oassin.

Eksámen:

Oktagaslaš ruovttueksámen, man guhkkodat leat 10-15 siiddu.