PhD - Singel course

SÁM 408 - Sámi sosiolingvistihkka máilmmiviidosaš konteavsttas

Sámi sosiolingvistihkka máilmmiviidosaš konteavsttas lea oassi Sámegiela ja sámi girjjálašvuođa doavttirgrádaoahpu oktasaš oasis. 

  • Studerenbáiki: Sámi allaskuvla
  • Oahpahusgiella: Dábálaččat lea sámegiella oahpahusgiellan
  • Viidodat: 10 oahppočuoggá
  • Oahppoplána
  • Deaivvadanplána: TimeEdit

 

Oanehaččat oahppofáttá birra

Gurssa sisdoallu huksejuvvo bachelor- ja masteroahpu gielladieđalaš gurssaid ala. Oahpu plánemis váldojuvvojit vuhtii studeantta ovddit diehtu ja máhttu giellasosiologiija suorggis, ja studeantta dutkanfáttát deattuhuvvojit ja váldojuvvojit vuhtii oahpus. Gurssa ulbmilin lea čiekŋudit studeantta áddejumi sosiolingvistihkalaš lahkonanvugiide ja teoriijaide, sámegielaid dillái ja ovddideapmái máilmmiviidosaš konteavsttas, gielalaš variašuvnnas ja máŋggagielatvuođa albmanemiin. Teoriijat, lahkonanvuogit ja dutkanmetodat guorahallojuvvojit máilmmiviidosaš sosiolingvistihka rámmain, muhto sámegielaid dilit ja dárbbut vuoruhuvvojit ja empiralaš vuolggasadjin lea sámi servodat.
 

Maid don oahpat?

Oahpu maŋŋá don

  • studeanttas lea viiddis áddejupmi sámegielat servošiid historjjálaš ovdáneami birra; 
  • studeanta dovdá iešguđetge sámegielaid dálá dili ja dasa váikkuheaddji fáktoriid:
  • studeanttas leat vuđolaš dieđut máilmmi gielladili, gielaid áitatvulošvuođa ja ealáskahttima birra;
  • studeanta dovdá vuđolaččat giellasosiologiija ja sosiolingvistihka suorggi, dan historjjá, teoriijaid ja metodaid;
  • studeanta máhttá guorahallat máilmmiviidosaš gielladiliid eamiálbmot- ja unnitlogugielaid perspektiivvas;
  • studeanta máhttá buohtastahttit sámegielat servošiid diliid máilmmi giellaservošiid diliiguin eamiálbmot- ja unnitlogugielaid perspektiivvas.

 

Oahpahus- ja oahppanvuogit

Logaldallamat, seminárat, interaktiiva oahpahusvuogit, studeantta iehčanas barggut.

Filesize: 626 KB

Entrance requirements

Sámegiela ja sámi girjjálašvuođa doavttirgrádastudeanttat ja studeanttat, geain lea vástideaddji studerengelbbolašvuohta.

Koordinator

Annika Pasanen's picture
Annika Pasanen
Phone: 
E-mail: 
annikap@samas.no