BA - Half-year programme

SÁM Sámegiella ja sámi girjjálašvuohta 2

Oahppu gullá sámegiela ja sámi girjjálašvuođa bachelorprográmma fágaoahpuide, muhto heive buot sámegiellaberošteddjiide ja dutnje gii áiggošit bargat sámegielain. Oahpu bokte beasat huksegoahtit teorehtalaš ja fágalaš gelbbolašvuođa, mii dárbbašuvvo sámi servodagas iešguđet surggiin. 

Praktihkalaš dieđut:

  • Oahpahusgiella: Davvisámegiella
  • Oahpahusbáiki: Sámi allaskuvllas.
  • Oahpahus lágiduvvo deaivvademiid bokte. Deaivvadeamit leat juohke nuppi vahku.
  • 30 oahppočuoggá
  • Ollesáiggi oahppu ovtta lohkanbaji
  • Diibmoplána: TimeEdit Samisk Høgskole - Sámi allaskuvla

Oahpu birra
Oahppu lea joatkka Sámegiella ja sámi girjjálašvuohta 1 -ohppui. Oahpus studeanta beassá viiddidit ja čiekŋudit dieđuidis sihke gielas ja teavsttain. Oahpus deattuhuvvo čálalaš ja njálmmálaš giellageavaheapmi. 

Sámegiella 2 viiddida sámegillii guoski teoriijavuođu ja fágaperspektiivva, nu ahte čiekŋuda dieđuidis sihke gielas ja teavsttain. Oahpásnuvat sierralágan gielladutkan- ja girjjálašvuođateoriijaide. Oahpus leat čieža váldooasi: giellaoahppa, suopmanat, gielladikšun, čáppagirjjálašvuohta, teakstaoahppa, gielladieđut ja historjá- ja servodatdieđut.


Oahppu lea juhkkojuvvon golbman oassin, maid guđege sáhttá lohkat sierra:

  1. SAM 110 Sámegiella njálmmálaš ja čálalaš giellan, 10 oahppočuoggá.
  2. SAM 104 Davvisámegiela cealkkaoahppa, 10 oahppočuoggá.
  3. SAM 105 Sámi girjjálaš muitalanárbi ja dan oktavuohta teáhterii ja filbmii.

 

Čiekŋudanvejolašvuođat
Oahpu maŋŋá lea vejolašvuohta ohcat Sámegiela ja sámi girjjálašvuođa bachelorprográmmii, ja das viidásit Sámegiela ja sámi girjjálašvuođa mastergráda oahpuide.

Bargovejolašvuođat
Allaskuvla dási formála sámegielmáhttu lea buorre lassikvalifikašuvdna máŋggalágan bargguin. Oahppu addá vejolašvuođaid bargat máŋggalágan almmolaš ja priváhta surggiin, main dárbbašuvvo sámegiela ja sámi girjjálašvuođa gelbbolašvuohta. Muhtin bargosajiin oaččut maiddái lassi bálkká jus lea 60 oahppočuoggá sámegielas.

Entrance requirements

  • Dábálaš sisabeassangáibádusat alitoahpahussii. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje realagelbbolašvuohta.
  • Lassin galgá sámegiela máhttu vuosttaš- dahje nubbingiellan joatkkaskuvllas dahje vástideaddji (omd. sámegiela lohkanbadjeoahppu).
  • Studeanttas lea maid vejolašvuohta duođaštit iežas sámegiela lohkangelbbolašvuođa sierra giellageahččaleami bokte.
  • Dasa lassin lea sisabeassaneaktu ahte leat čađahan Sámegiella ja sámi girjjálašvuohta 1 (BaSá 1kursagáibádusat dahje vástideaddji oahppu).

FUOMÁŠ: Dehálaš áigemearit