Israel Ruong stipeanda juhkkojuvvo jáhkkasaččat ja lea
20 000 ruvnno. Juohkehaš sáhttá evttohit gii galgá stipeandda oažžut.
Stipeanda lea ásahuvvon dan jagi go professor Israel Ruong devddi 80 jagi giitusin ja gudnijahttimin su dan barggu ovddas maid son lea doaimmahan viiddis dutkanbargguinis sámi gielas, kultuvrras ja historjjás oktanaga servodat- ja organisašuvdnabargguiguin ja praktihkalaš kultuvrralaš doaimmaiguin.
Stipeanda galgá leat doarjjan sámi dutkama ovddideamis ja sáhttá jahkásaččat addojuvvot nuorra sámi dutkái gii lea bargamin dutkangažaldagaiguin ovtta dahje máŋgga suorggis main professor Israel Ruong lea atnán fuola.
Sámi instituhta lea jagis 1983 ásahan Israel Ruong stipeandda ja dál lea Sámi allaskuvlastivra váldán badjelassii Israel Ruong stipeandda vuođđodusa jági 2007 rájes
Gii galggašii oaččut stipeandda 2010? Sádde evttohusa postmottak@samiskhs.no dahje:
Sámi allaskuvla / Sámi University College
Hánnoluohkká 45
N-9520 Guovdageaidnu
Stipeandda birra:
