BA - Enkeltemne

DUO 144 Duodji ja haddebidjan

  • Oahpahusgiella: Oahpahusgiellan lea dábálaččat sámegiella. Oahpahus sáhttá leat maiddái eará sámegielaide, skandinávalaš dahje eaŋgalsgillii. Eará gielaid oahpahus sáhttá dulkojuvvo dárbbu mielde.
  • Oahpahusbáiki: Sámi allaskuvllas ja neahta bokte
  • 5 oahppočuoggá
  • Oahppokoda: DUO 144
  • PDF icon Oahppoplána
  • Deaivvadanplána: TimeEdit

Oahppoprográmma gullevašvuohta
Duodji ja haddebidjanlea doarjjafága duodje-ja hábmenbacheloras. Oahppu sáhttá leat doarjjafágan dahje válljenfágan maiddái eará bachelorprográmmain dahje eará oahpuin,guoski sisabeassangáibádusaid ja progrešuvdnahuksehusa eavttuiguin. Dasa lassin oahppu sáhttá leat bođufágan.

Oahpu sisdoallu:
Duddjoma bokte studeanttat galget oahppat árvvoštallat iežaset ja earáid duodjebohtosiid ja máhttit bidjat bargguide árvvuid. Oahpahanvugiin leat bádjebarggut, joavkobarggut ja logaldallamat.

Oahpahan - ja oahppanvuogit:
Duddjon,logaldallamat,lohkanmeari lohkan, hárjehusat, bagadallamat ja seminárat. Oahpus lea iešheanálaš bargan (duddjon, bargobihtáid čoavdin, lohkan, jna.).


Jearaldagat oahpu birra?
Háliidat go eambbo dieđuid oahpu birra, váldde oktavuođa duodjeoahpu koordináhtoriin-  Samuel Valkeapää: samuelv@samas.no 

Filesize: 330 KB

Opptakskrav

Dábálaš sisabeassangáibádusat alitoahpahussii. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga/gymnása) dahje reálagelbbolašvuohta. Dasa lassin gáibiduvvo sámegielmáhttu.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

 

Ohcci gii ii leat Duodje- ja hábmenbachelora prográmmastudeanta galgá sáddet sisa 8-10 gova iežas dujiin duodje- dahje dáidda- ja hábmenfágalaš gelbbolašvuođa duođaštussan. Jus ohccis lea fágabreava duojis, duodjeoahput duodjeskuvllas dahje eará vástideaddji duodjeoahppu, de sáhttá sáddet sisa fágabreava dadje oahppoduođaštusa, ja oažžut dan dohkkehuvvot duodje- dahje dáidda- ja hábmenfágalaš gelbbolašvuođa duođaštussan.

Koordinator

Henrik Samuel Valkeapääs bilde
Henrik Samuel Valkeapää
Phone: 
E-mail: 
samuelv@samas.no