RIEVDAN
Sámi boazodoalu boahttevaš ceavzilis stivrejupmi šaddá deaividit stuorra hástalusaid dan oktavuođas go Árktis rievdá johtilit. Sámi boazosápmelaččaid eallinvuohki ja eallinvuohki lea vuođđuduvvon geavadiidda ja máhtolašvuhtii, mii lea guhkes áiggi vásihuvvon eallimin garra ja hui molsašuddi dilis arktalaš guovlluin. Dát dutkanprošeakta lea vuođđuduvvon ulbmiliidda ja strategiijaide maid Sámi allaskuvla lea bidjan, ja dat galgá fállat máhttovuođu boahttevaš Mástergrádaohppui Boazodoallofágas mas lea máŋggafágalaš lahkonanvuohki.
Prošeakta galgá dutkat árbevirolaš kultuvrralaš doaimmaid sámi boazosápmelaččaid eallinbirrasis ja vejolašvuođaid mat leat vuođđuduvvon árbevirolaš máhttui ja dieđalaš máhttui mas čalmmustahttá heivehallama rievdadussii ja soabaheapmái, ja galgá geahččalit čilget dovdduid gaskal dán guovtti máhttosfeara mas leat iešguđetlágan lahkonanvuogit boazosápmelaččaid eallinbirrasa ja guođoheami vuođđo beliide.
RIEVDAN sávvá oažžut ođđa dieđuid ja ipmárdusa lasihan dihtii boazodoalu ja guođoheami ceavzilvuođa, ja vai loahpalaččat nannešeimmet máhtolašvuođa riidduid gaskasaš soabadeami.
Prošeaktajođiheaddji: Laila Susanne Vars
Ruhtadeaddji:
Ovttasbargoásahus:
