Bargiide

(Ođastuvvon suoidnemánu 6 b. 2021)

Ráđđehus lea mearridan rahpagoahtit servodatdoaimmaid dađistaga go eambbogat leat boahkuhuvvon ja koronabuhcciidlogut njidjet. Bargit eai leat šat geatnegáhttojuvvon ruovttukantuvrrain bargat. Diehtosiida lea rabas sihke fysalaš čoahkkimiid ja oahpahusa lágidit smávit joavkkuide.

Riskavuloš bargit

Riskavuloš bargit geat eai leat boahkuhuvvon ávžžuhuvvojit bargat ruovttukantuvrrain. Ávžžuhit ahte allaskuvlla bargit gulahallet lagamus hoavddain, jus lea dárbu čielggadit iežas bargodilálašvuođa.

Álbmodearvvašvuođainstituhta neahttasiiddus lea čilgejuvvon geat leat gullevaččat riskajoavkkuide, ja movt riskajoavkkuid doaibmabijuid galgá árvvoštallat servodaga njoammundilálašvuođa ektui.

Earenoamáš riskaárvvoštallamat bargosajis galget sajis
Bargiide galgá leat vejolaš doalahit mehtera gaskka nuppiide juohke dilálašvuođas. Lea earenoamáš dehálaš sidjiide geat barget kanturservodagas, dahje jus juogada kantuvrra ovttain dahje eanebuiguin. Maiddái jus bargá praktihkalaš bargguid mas lea váttis doallat gaskka, omd. teknihkalaš/praktihkalaš čuovvoleapmi.

Ávžžuhit bargi váldit oktavuođa iežas hoavddain gulahallat dárbbuid birra. Lea bargi bajit hoavda geas lea ovddasvástádus čađahit riskaárvvoštallama ja ásahit doaibmabijuid.

Diehtosiida

Girjerájus ja kantiina leat rabas buohkaide. Hárjehallanlatnja lea rabas studeanttaide ja bargiide.

Muđui leat njoammuneastandoaimmat máid buohkat galget čuovvut geažos áiggi:

1. Buohcan ja erren

  • Jus leat buohcci dahje illáveaje, de galggat orrut ruovttus.
  • Jus leat erremis, de it galggaše boahtit Diehtosiidii. Muhto jus lea čielga dárbu fitnat Diehtosiiddas, de sáhtát riskaárvvoštallat ovttas iežat jođiheddjiin.

2. Ráinnasvuohta/Hygiene

  • Basa gieđaid dávjá ja dárkilit loika sáibočázis. Jus ii leat čáhci, geavat giehtasprihta.
  • Gastit ja gossat galgá njunnebáhpira sisa máid bálkestat, dahje jus ii leat bábir, de giehtagávvii.
  • Desinfisere beavddi ja rusttegiid čoahkkinlanjain ovdal go válddát atnui, ja čoahkkinjođiheaddji galgá sihkkut elektruvnnalaš rusttegiid ovdal go čoahkkin álgá.
  • Basa boddolanjaid borranbevddiid njuoska basaldagain mas sáibu lea, maŋŋel go leat adnon.

3. Doalat gaskka eará olbmuide

  • Doalat mehtera gaskka nuppi olbmui juohke sajis. (Fuomáš ahte leat eará njuolggadusat jus leat erremis).

4. Mátkkošteapmi

Dál lea vejolaš čađahit mátkkiid Norgga rájiid siskkobealde. Čoahkkimiid ja eará deaivvademiid galgá ain vuosttažettiin lágidit digitálalaččat. Bargi ferte lagamus jođiheddjiin riskkaárvvoštallát ja gulahallat jus lea dárbbašlaš mátkkoštit. 

Dus lea alddát ovddasvástádus dárkilit lohkat gustovaš njuolggadusaid mat gusket rádjarasttildeapmái.  Ferte earenomážit iskkat makkár duođaštusat ja iskosat gáibiduvvojit, ja makkár mátkkoštanerrengáibádusat gustojit maŋŋil go eanet guovllut leat rievdan ruokssadis ruoná guovlun. Dárkilit dieđut gávdnojit Álbmotdearvvašvuođa kárttas dáppe: Innreisekarantene ved ankomst til Norge - FHI

Errennjuolggadusat

Dus lea alddát ovddasvástádus čuovvut mielde makkár njuolggadusat gustojit áiggis áigái. Mii rávvet geahččat Norgga Álbmotdearvvašvuođainstituhtta neahttasiiddu dieđuid errema birra.

Jus leat erremis danin go leat buohcci dahje illáveaje

Jus dus lea feber dahje eará korona buozanvuođamearkkat, de galggat isoleret iežat nu jođánit go vejolaš, ja váldit oktavuođa doaktáriin tlf 116 117. 

Fuomáš! Dát dieđut sáhttet čađat rievdat.

Dán neahttasiiddus leat ollu buorit dieđut sihke bargiide ja studeanttaide https://www.sikresiden.no/koronaviruset