Ásodat ja mánáidgárdi

(Ođastuvvon suoidemánu 2.b. 2021)

Studeantaásodagat

Studeantaásodagain ii leat vejolaš orrut errenáigodagas dan sivas go doppe šaddá juogadit muhtun lanjáid earáiguin.

Jus leat Norgii boahtán dakkár guovllus mii lea merkejuvvon ruoksadin Álbmodearvvašvuođainstituhta kárttas, de lea errenáigi 10 jándora máŋŋel go bohtet Norgii jus it leat boahkuhuvvon - njuolggadusat ođastuvvojit dássedit, nu ahte gánnáha iskat FHI/Álbmotdearvvašvuođainstituhta neahttasiiddus makkár njuolggadusat ain gustojit errema ektui.

Mánáidgárdi (SS0)

Studeantamánáidgárdi lea rabas nu movt dábálaččat. 

Kantiidna (SS0) 

Kantiidna lea gitta geasset. Rahpasa fas borgemánus ovdal go oahppojahki álgá.

Dehálaš! Doala gaskka earáide ja ale sirddaš bevddiid ja stuoluid. 

Doaibmabijut maid buohkat galget čuovvut:

• Čohkka 1 mehtera eret buohkain geainna ii oro ovttas.
• Giehtaspriitat leat boađahágas ja ávžžuhit ahte vuoiddat gieđaid ovdal go boađat kántiinai.
• Čuovo dearvvašvuođaeiseválddiid njuolggadusaid ja oro ruovttus jus leat buozas.

Váldde oktavuođa SSO:in

Jus leat jearaldagat orruma ja mánáidgárddi dahje kantiinna birra, de váldde oktavuođa Sis-Finnmárkku studeanttaid ovttastusain. 

Hálddahus tlf. +47 934 77 201, e-poastta sso@ssosamas.no

Ole Anders Skum, tlf: +47 918 11 499, e-poastta ole.skum@ssosamas.no.