Persovdnasuodjalanáittardeaddji

Oktavuođadieđut:

Sámi allaskuvllas ja UiT Norgga árktalaš universitehtas lea seamma persovdnasuodjalanáittardeaddji,  Annikken Steinbakk, mailačujuhus: personvernombud@uit.no, +47 957 30 030.

 

Persovdnasuodjalanáittardeaddji galgá:

  • juohkit dieđuid ja rávvet Sámi allaskuvlla áššiin gos allaskuvla lea gieđahallanovddasvástideaddji, ja bargiid geat čađahit gieđahallama, sin geatnegasvuođat EU:a persovdnasuodjalanmearrádusa (EU 2016679) ja eará relevánta persovdnasuodjalanlágaid ektui
  • dárkkistit ahte Sámi allaskuvla doahttala EU:a persovdnasuodjalanmearrádusa, eará relevánta persovdnasuodjalanlágaid, allaskuvlla persovdnasuodjalannjuolggadusaid, dasa lassin allaskuvlla ovddasvástádusjuogu, miellaguoddodoaimmaid ja oahpaheami bargiin geaidda gieđahallanaktivitehta guoská ja dasa guoskevaš revišuvnnaide
  • bivdaga bokte rávvet persovdnasuodjalanváikkuhusaid (DPIA*) birra ja árvvoštallat dán čađaheami
  • ovttasbargat ja doaibmat gulahallanolmmožin Dáhtabearráigeahču ektui

Olbmot (omd. studeanttat, bargit, respondeanttat dutkan- ja/dahje studeanttaprošeavttain) geaid persovdnadieđuid Sámi allaskuvla gieđahallá, sáhttet váldit oktavuođa persovdnasuodjalanáittardeddjiin buot lágan jearaldagain mat gusket dasa movt sin dieđut gieđahallojit ja makkár rievttit sis leat EU:a persovdnasuodjalanmearrádusa ektui.

Persovdnasuodjalanáittardeaddjis lea jávohisvuođageatnegasvuohta ja lea geatnegahtton hehttet earáid beassamis dieđuide dahje oažžumis dieđuid ovttaskas olbmo persovnnalaš oktavuođaid birra ja eará jávohisvuođaeatnegáhtton dieđuid máid oažžu doaimmastis čađaheami oktavuođas.
 

* DPIA = Data Protection Impact Assessment