BA - Sierra kursa

BOA 104 Siiddastallan ja boazodoalu hálddašeapmi

  • Oahpahusgiella: Sámegiella.
  • Oahpahusbáiki: Sámi allaskuvllas ja vejolaččat oassi neahta bokte.
  • 20 oahppočuoggá.
  • Oahppoovttadat lea oassin Boazodoallooahpuid bacheloras.
  • Oahppoplána

Leat go guorahallan movt ja makkár sátneválljemiin mii ságastit bohccuid birra ealloravddas ja báikkisteamet, ja movt boazodoallodieđut gártet ja biddjojit ovdan áššebáhpiriin, eará lohkosiin ja čoahkkimiin? Siiddastallama ja boazodoalu hálddašeami oahpus oahpásmuvvat guovttelágán vuohkái lahkonit boazoságaide, ja movt dán guovtti vuogi gávnnadeapmi lea.

Dát oahppu heive bures olbmuide geain lea juogo boazodoalloduogáš dahje boazodoalu vuođđooahppu ja earáide geat barget boazodoalloáššiiguin..

Oahppu lea oassin boazodoallooahpuid bacheloras, ja sáhttá maid leat

oassin eará bacheloroahpuin

Sisabeassangáibádusat

  • Oppalaš lohkangelbbolašvuohta dahje reálagelbbolašvuohta ja sámegielmáhttu.
  • Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje guhkes amasgielladutkkus ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Koordinator

helenao's picture
Omma, Maria Helena
E-mail: 
Maria-Helena.Omma@samiskhs.no