MA - Sierra kursa

OKT 301 Diehtu, dieđalaš bargu ja dutkanmetodat

Dát oahppu lea oassin sámegiella ja sámi girjjálašvuođa masterprográmmas, ja dan sáhttá lohkat ovttaskas oahppun.

Oahppu láide dieđateoriijai ja studeanttat ožžot vuođđoáddejumi dutkama iešvuođain, ulbmiliin ja bargovugiin. Studeanttat oahpásmuvvet iešguđetlágan diehtovuogádagaide. Dáid lassin guorahallojuvvojit iešguđet dieđasurggiid filosofalaš ja metodologalaš vuolggasajit- earret eará árbevirolaš diehtovuogádagaid vuolggasajit.

Sisabeassangáibádusat

Sisabeassangáibádussan leat Sámegiela ja sámi girjjálašvuođa masterprográmma oppalaš sisabeassangáibádusat mat leat čilgejuvvon oahppoprográmmaplánas.