MA - Sierra kursa

OKT 306 Giellagáhtten ja teakstaoahppa

Oahppu lea oassin sámegiela ja sámi girjjálašvuođa masterprográmmas, ja dan sáhttá lohkat ovttaskas oahppun.

PDF icon Fágaplána

Oahppu čiekŋuda studeantta dáidduid iešguđetlágan teavsttaid čállimis, analyseremis, divvumis ja buorideamis. Deaddu lea erenoamážit áššeteavsttain, mat gieđahallet fágalaš ja dieđalaš fáttáid. Studeanttat ohppet hálddašit fágalaš ja dieđalaš teavsttaid ráhkadussii, stiilii ja giellageavahussii guoski gáibádusaid ja vuordámušaid.

Sisabeassangáibádusat

Sisabeassangáibádussan leat Sámegiela ja sámi girjjálašvuođa masterprográmma oppalaš sisabeassangáibádusat mat leat čilgejuvvon oahppoprográmmaplánas.