BA - Sierra kursa

OKT Dieđalaš čállin ja guorahallan

  • Oahpahusgiella: Davvisámegiella
  • Oahpahusbáiki: Sámi allaskuvllas
  • 10 oahppočuoggá

 

Háliidat go buoridit dutkan- ja akademalaš čállindáidduid?

De álgge dán ohppui!

 

Dieđalaš čállimii gullá hábmet čállosiid viissis formála gáibádusaid mielde.

Earret eará hábmet sisdoalu, sihkkarastit čállosa siskkáldas konsisteanssa, dárkkistit čujuhusaid ja gálduid gaskavuođa, ja lágidit čállosa nu ahte lea vejolaš earáide iskat čállosa luohtehahttivuođa ja doallevašvuođa. Oahppu lea geatnegahtton oassi buot Sámi allaskuvlla bacheloroahpuin, muhto heive maid buohkaide geat háliidit oahppat čađahit dutkanbargguid.

Heive earenoamáš bures jus áiggut gráda čađahit alit oahpus.

Oahppu lea prográmmaoahpuin oassin, muhto lea maid rabas ohcciide geat eai čuovo prográmmaoahpu (omd. bacheloroahpu).

 

Dieđalaš čállin ja guorahallan oahppoplána
Filesize: 221 KB

Sisabeassangáibádusat

  • Oppalaš lohkangelbbolašvuohta dahje reálagelbbolašvuohta ja sámegiellamáhttu.
  • Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje guhkes amasgielladutkkus ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul

FUOMÁŠ: Dehálaš áigemearit