BA - Sierra kursa

SÁM Gielladieđa ja fonetihkka

  • Oahpahusgiella: Davvisámegiella
  • Oahpahusbáiki: Sámi allaskuvllas
  • 10 oahppočuoggá
  • PDF icon Oahppoplána

Háliidat go šaddat giellabealljin? De heive dát oahppu dutnje!

Dát lea oahppu mii lea rabas maiddái ohcciide geat eai leat siste bachelorprográmmas.

Sisdoallu

Gielladiehtagis ja fonetihkas oahpásmuvat oppalaččat giela struktuvrraide, earret eará makkár osiin sánit leat huksejuvvon ja movt sánit ovttastahttojuvvojit gihppun ja cealkkan. Don oahpat movt sániid sáhttá čállit jietnadagaid mielde dárkileappot go dábálaš čállingielas. Oahpus oahpásmuvat gielladiehtaga guovddáš doahpagiidda ja oahpásmuvat jietnadatčállimii.

Maŋŋel go leat čađahan gielladiehtaga ja fonetihka oahpu, de máhtát guovddáš doahpagiid ja máhtát geavahit daid sámegiela giellamateriála lingvisttalaš analyseremis ja jietnadatčállimis.

Oahppu lea geatnegahtton oassi Sámegiela ja sámi girjjálašvuođa bacheloroahpus, muhto heive maid earáide geat beroštit sámegielas ja ohcciide geat eai čuovo prográmmaoahpu (omd. bacheloroahpu).

Sisabeassangáibádusat

  • Sisabeassangáibádus: Oppalaš lohkangelbbolašvuohta dahje reálagelbbolašvuohta
  • Sámegiellagáibádus: Sámegiela gáibádusa sáhttá deavdit čuovvovaš vugiid mielde: Sámegiella 1. dahje 2.giellan joatkkaskuvllas, Suoma bealde logahaga eatnigielladutkkus dahje guhkes amasgielladutkkus ja Ruoŧa bealde ges Modersmål A, B ja C dahje dušše A ja B. Sámegielagáibádusa sáhttá maid deavdit Davvisámegiela lohkanbadjeoahpuin 30 oč dahje vástideddjiin, dahje ceavzit sámegiela geahččaleami man Sámi allaskuvla lágida.

FUOMÁŠ: Dehálaš áigemearit

Koordinator

johnhe's picture
Eira, John Henrik
Phone: 
E-mail: 
John-Henrik.Eira@samiskhs.no