MA - Program

Duoji mastergráda

Duojár: Berit Kristine Guvsam
Govven: Mai-Lis Eira

  • Oahpahusgiella: Dábálaččat davvisámegiella. Oahpahus sáhttá leat maiddái eará sámegielaide, skandinávalaš dahje eaŋgalsgillii. Eará gielaid oahpahus sáhttá dulkojuvvo dárbbu mielde. Nu guhkas go vejolaš, de láhččo eará sámegielat studeanttaide dilli nu ahte sii basttet čuovvut davvisámegielat oahpahusa.
  • Oahpahusbáiki: Sámi allaskuvllas.
  • 120 oahppočuoggá, guovtti jagi badjel
  • Prográmmaplána

    Duoji mastergrádaprográmma lea spesialiseren-ja čiekŋudahttinoahppu duojis. Masteroahpus lea sihke geavatlaš ja teorehtalaš ulbmil.

    Ulbmil oahpuin lea viidáseappot ovdánahttit geavatlaš ja teorehtalaš máhtu ja vásáhusaid duojis. Studeanttain galgá leat čiekŋalis máhttu ja diehtu fága dieđalaš ja dáiddalaš teoriijas ja metodas. Sii galget ovdánahttit plánen-, čađahan-, suokkardan- ja árvvoštallangelbbolašvuođaset ja gaskkusteami ovddidan- ja dutkanbargguid. Duoji fágasuorggis leat guokte integrerejuvvon oasi; duodji/dáidda, ja dáidda lea oassin duojis ja duodji lea oassin dáidagis. Duodji lea fága mii gullá estehtalaš fágasuorgái. Dát leat fágat mat leat vuođuštuvvon teoriijaide, geavahansurggiide, ráhkadanvugiide ja ávdnasiidda mat leat čadnon visuála estetihkkii. Fágas lea nanu čanastat sámi servodahkii kultuvran, fágan ja ealáhussan. Duodji (dáidda ja giehtaduodji) lea earenoamáš sihke materiálalaččat ja vuoiŋŋalaččat.

    Masteroahpu kultuvrralaš sisdoallu addá ohppui sámi earenoamášvuođa ja iešvuođa. Studeanttaid bargu masterdutkosiin profilerejuvvo go sii ráddjejit ja guorahallet dihto válljejuvvon dutkansuorggi.Ulbmil lea ovddidit duojára/dáiddára kritihkalaš jurddašeami ja praktihkalaš-estehtalaš ja dáiddalaš ovdáneami alla fágalaš dásis. 

 

 

Entrance requirements

Duoji mastergrádaoahpu ohcciin galgá leat bachelorgráda, cand.mag.-gráda, oahpaheaddjioahppu dahje 3-jagáš dáiddafágalaš oahppu mii vástida bachelorgráda. Oassin dahje lassin ohppui, galgá ohcci duođaštit 60 oahppočuoggá čiekŋudeami duojis allaskuvladásis, ja duođaštit gelbbolašvuođa sámegielas ja terminologiijas duodjefága oassin.


Ohccis sáhttá leat omd. čuovvovaš oahppu:
- Duodje ja hábmenbachelor
- Bachelorgráda mas duodji, sámegiella ja kultuvra lea oassin grádas
- Cand.mag.-gráda mas duodji, sámegiella ja kultuvra lea oassin grádas
- Oahpaheaddjioahppu mas lea duodji, sámegiella ja kultuvra oassin fágasuorggis.

Ásahus sáhttá earenoamáš oktavuođain dohkkehit eará duođaštuvvon gelbbolašvuođaid ollásit dahje muhtun muddui seammaárvosažžan ovdalis namuhuvvon oahpuiguin, main lea čiekŋudeapmi sámi kultuvrras, sámegielas, duojis ja maiddái álgoálbmogiid duojis ja dáidagis. Duođaštuvvon reálagelbbolašvuohta dohkkehuvvo ollásit dahje muhtun muddui seammaárvosažžan čađahuvvon oahpuin.

Ohccit geain lea guhkes bargoduogáš duojis ja dáidagis/duojis, ja geain lea guokte jagáš oahppu fágasuorggis allaskuvlla dahje universitehta dásis, sáhttet ohcat beassat masterohppui. Ohccit sáhttet oažžut buorrindohkkehuvvot bargoduogáža dahje eará heivvolaš oahpu oassin golmmajagáš vuođđoohppui. Earenoamáš oktavuođain sáhttá sisabeassangeahččaleapmi čađahuvvot.

Koordinator

gunvorg's picture
Guttorm, Gunvor
Phone: 
Mobile: 
E-mail: 
Gunvor.Guttorm@samiskhs.no