Further education

Bagadallanpedagogihkka 1

  • Oahppokoda:  PED 602
  • Oahpahusgiella: Oahpahus lea sámegillii, skandinávalaš gielaide ja eŋgelasgillii.
  • Oahpahusbáiki: Sámi allaskuvla
  • Oahpu lágideapmi: Oahppu lea neahttavuđot oasseáiggeoahppu deaivvademiiguin. Oahpus leat guokte deaivvadeami: oahpu álggus ja oahpu loahpas. Dan gaskkas barget studeanttat neahttavuđot oahpus okto ja joavkkus.
  • 15 oahppočuoggá 
  • Oahppoplána
  • Diibmoplána biddjo deike: TimeEdit

Háliidat go nannet gelbbolašvuođat bagadallanrollas ja oahpaheaddjiámmáhis? De mii ávžžuhit du ohcat ja álgit dán joatkkaohppui!

Oahppu fállo juvvo joatkkaoahppun oahpaheddjiide ja earáide, geain lea profešuvdnaoahppu ja geat dárbbašit barggus bagadallanmáhtu. Oahppu lea oaivvilduvvon oahpaheddjiide ja eará fágaolbmuide geat dárbbašit máhtu bagadallat easka álgi oahpaheddjiid ja kollegaid, ja oahpaheddjiide geat háliidit bargat hárjehallanoahpaheaddjin ja hárjehallanoahpaheddjiide geain váilu bagadallanoahppu.

Sisdoallu

Bagadallanpedagogihka oahppu addá formála gelbbolašvuođa bagadallat iežas suorggis, nugo vuođđoskuvlaoahpaheaddjeoahpu, mánáidgárdeoahpaheaddjeoahpu, praktihkalaš pedagogalaš oahpu, joatkkaskuvlla easka álgi oahpaheddjiid ja joatkkaskuvlla hárjehallama oahpaheaddjestudeanttaid ja eará oktavuođain nugo organisašuvdna-ja skuvlaovdánahttima oktavuođain.

Oahpu ulbmilin lea gieđahallat fáttáid dan birra mo bagadallat oahpaheaddjestudeanttaid, easka álgi oahpaheddjiid ja earáid geat dárbbašit bagadallama oahppoásahusain ja eará organisašuvnnain. Oahppu sisttisdoallá teorehtalaš láidehusa bagadallamii, vuorrováikkuhusmáhttui ja oahppan-ja ovdánahttinproseassaide.

Bagadallanpedagogihkka guovddáš sisdoallu lea iežasbagadallangeavadiid geahččaleapmi ja ovdánahttin teoriijaid vehkiin. Iežas ja earáid vásáhusaid birra ságastallo ovttas. Oahppu sisttisdoallá maid geavatlaš hárjehusaid ja teoriija ja praksisa suokkardallama čálalaččat ja njálmmálaččat pensuma vehkiin.

Filesize: 261 KB

Entrance requirements

  • Mánáidgárdeoahpaheaddjeoahppu, dábálašoahpaheaddjeoahppu, praktihkalaš pedagogalaš oahppu, mánáidsuodjaluspedagoga, sosionoma, suodjalandivššár, politiija dahje eará heivvolaš oahppu universitehtas dahje allaskuvllas. Sáhttá árvvoštallot reálagelbbolašvuođa duogážiin
  • Sámegielmáhttu

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Oahpaheddjiide:

Oza stipeandda dehe sadjásašortnega Oahpahusdirektoráhta siidduin https://www.udir.no/kvalitet-og-kompetanse/etter-og-videreutdanning/larere/soknadsprosessen/

Sámi allaskuvlla oahppofálaldagaide sáhttá ohcat ruhtadeami Oahpahusdirektoráhta KfK ortnega bokte. Sáhtát ohcat doarjaga oahppofálaldagaide mat eai leat Oahppodirektoráhta katalogas. De merket ohcamis ahte háliidat ohcat eará oahppofálaldagaide (andre studietilbud). Eará fálaldagat addet vuoigatvuođa seamma eavttuide go dat fálaldagat mat leat oahppokatalogas.  Ohcama ferte rektor ávžžuhit ja skuvlaeaiggát dohkkehit.

Oahpahusdirektoráhta ohcanáigemearri lea 01.03.2021. Go oahppofálaldat ii leat oahppokatalogas, de fertet maiddái ohcat Sámi allaskuvlla ohcanportála bokte.