BA - Enkeltemne

DUO 145 Gálvodujiid buvttadeapmi

  • Oahpahusgiella: Davvisámegiella. Oahpahus sáhttá maid leat eará sámegielaide, skandinávalaš ja eŋgelasgillii.
  • OahpahusbáikiVuolggasadjin lea oahpahus Sámi allaskuvllas. Vejolašvuođaid mielde eará oahppanbirrasiin e.e. neahtas, bargobájiin ja ruovttuguovlluin.
  • Oahppočuoggát: 20 oč
  • Oahppoplána

Gálvodujiid buvttadeapmi –oahppu lea heivehuvvon duojáriidda, geain lea fitnodat dahje duddjonhárjáneapmi. Oahppu deattuha duoji beaggima ja vuovdima, main vehkiin duojár sáhttá beaktilit ovdánahttit ealáhusduodjedoaimmaidis. Váldodeaddu lea gávpegálvvuid duddjomis. Oktan oassin oahpuid sisdoalus lea fitnodaga ceggen ja fitnodatfierpmádagaiguin gulahallan. Oahppu fállá vejolašvuođa oahpásmuvvat áigeguovdilis reaidduide ja veahkkeneavvuide.

Gálvodujiid buvttadeapmi lea juhkkojuvvon golmma (3) fáddájovkui:
1) Beaggin ja vuovdin 
2) Teknologiija 
3) Duddjoma plánen ja čađaheapmi

 

Opptakskrav

Dábálaš sisabeassangáibádusat alitoahpahussii. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga/gymnása) dahje reálagelbbolašvuohta. Dasa lassin gáibiduvvo sámegielmáhttu.


Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.


Ohcci gii ii leat Duodje- ja hábmenbachelora prográmmastudeanta galgá sáddet sisa 8-10 gova iežas dujiin duodje- dahje dáidda- ja hábmenfágalaš gelbbolašvuođa duođaštussan.
Jus ohccis lea fágabreava duojis, duodjeoahput duodjeskuvllas dahje eará vástideaddji duodjeoahppu, de sáhttá sáddet sisa fágabreava dadje oahppoduođaštusa, ja oažžut dan dohkkehuvvot duodje- dahje dáidda- ja hábmenfágalaš gelbbolašvuođa duođaštussan.

Koordinator

samuelvs bilde
Valkeapää, Samuel
E-mail: 
Samuel.Valkeapaa@samiskhs.no