BA - Enkeltemne

JOU 146 Filbmaoahppu ja dokumentára buvttadeapmi

  • Oahpahusgiella: Oahpahusgiella lea davvisámegiella, muhto skandináva gielat ja eŋgelasgiella sáhttet geavahuvvot. 
  • Oahpahusbáiki: Oahppu lágiduvvo oahppobáikkis Sámi allaskuvllas ja Internašunála Sámi filbmainstituhtas. Interneahtta sáhttá geavahuvvot sihke bagadallamis ja sisabuktimiidda.   
  • 25 oahppočuoggá
  • Oahppu lea oassin Sámi journalistihka bacheloroahpus
  • Oahppoplána

Jahkebealis oahpat ollu filbmema birra

 

Sámi journalistihka bachelorprográmmas fállat mii, čakčat 2020, ollesáigge filbmaoahppu mas oahpat dokumentára buvttadeami.  Dá lea ovttasbargu gaskkal Sámi allaskuvlla ja Internationála Sámi Filbma Instituhta.

Jos dus lea beroštupmi ja hárjáneapmi filbmenbarggus, muhto váilot fágat allaskuvlla dásis, de sáhtát ohcat dán ohppui, mii lea 25 oahppočuoggá.

Mii oahpahat studeanttaid filbmet ja ráhkadit filbmamuitalusaid. Mii oahpahat govvema, čuohppama ja jietnabarggu ja studeanttat ráhkadit  25-30 minuhtasaš filmma vaikko guđe šáŋŋeris. Studeanta galgá čájehit filmmainis ahte lea ožžon vuđolaš ipmárdusa filmma kreatiiva ja praktihkalaš bargguide, ja ahte iešheanálaččat ja ovttas eará studeanttaiguin nagoda alla fágalaš dásis čađahit filbmabuvttadeami mearriduvvon áigemearis, borgemánus juovlamánnui 2020.

Mii maid fállat studeanttaide vejolašvuođa lohkat vihtta oahppočuoggá álgoálbmotjournalistihka, mii hástalat nuoraid váldit oasi máilmmiviidosaš journalistihkas. Studeanttat áŋgirit čuvvot mielde makkár ođđasiid, reportášaid ja prográmmaid álgoálbmot mediat buvttadit.

 

Oza fal, sámi mediaásahusat dárbbašit čeahpes áŋgiris journalisttaid ja filbmamuitaleddjiid.

Filesize: 344 KB

Opptakskrav

Jos leat sajit, de sáhttet olggobeale/ eksterna ohccit ohcat dán ohppui. Ohccit fertejit deavdit Sámi allaskuvlla vuođđooahpuid opplaš sisaváldingáibádusaid, ja sis ferte ovdalaččas leat sihke filbmen- ja čuohppangelbbolašvuohta.
Sisabeassanvuođđu sáhttá leat juogo oppalaš lohkangelbbolašvuohta(čađahan joatkkaskuvlla/logahaga) dahje reálgelbbolašvuohta. Sámegiela gáibádusa sáhttá deavdit čuovvocaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii  ja meannuduvvo dán vuođul.

Koordinator

liviss bilde
Somby, Liv Inger
Phone: 
Mobile: 
E-mail: 
Liv-inger.Somby@samiskhs.no