Sámi oahpahuskonferánsa 2021

golggotmánu 5. - 7. b.  2021, Diehtosiiddas, Guovdageainnus, Norggas

Picture

Sámi oahpahuskonferánsa 2020 lea našunála koronavirusa eastadeami doaibmabijuid geažil maŋiduvvon čakčii 2021. Plánejuvvon áigi doallat konferánssa lea golggotmánu 5.b. -7.b. 2021.

 

Conference homepage in english: Sámi Education Conference 2021

 

Picture

DIEĐUT JA BOVDEHUSREIVVET

Sámegillii: Dieđut ja bovdehusPDF icon Sámi oahpahuskonferánsii 2021

På norsk: Informasjon og invitasjon tilPDF icon Samisk utdanningskonferanse 2021

På svenska: Information och inbjudan till den PDF icon Samiska utbildningskonferensen 2021

In English: Information and Invitation to thePDF icon Sámi Education Conference 2021

 

Sámi allaskuvla ja Sámediggi Norgga beal Sámis lágidit gaskariikkalaš oahpahuskonferánssa Sámedikki prošeavtta Sámi mánát ođđa searvelanjas (SáMOS-prošeavtta) olis. Koferánssa ulbmilin lea beassat lonohallat eamiálbmogiid oahpanvásáhusaid ja buktit oidnosii sámi mánáidgárddiid, skuvllaid, ja alitoahpahusa, ja maiddái internationála eamiálbmotoahpahusa, vásáhusaid ja muitalusaid.

Go iešguđet eamiálbmogat lonohallet vásáhusaideaset, de lea dát doarjjan ja vuođđun eamiálbmogiid pedagogalaš filosofiijai, maid pedagogat, oahpaheaddjit ja dutkit sáhttet ávkkástallat oahpahusas. 

Picture

Konferánssa fáttát:

  • Mánáid ja nuoraid árgábeaivi oahpahusas
  • Luondu oahppama vuolggsadjin
  • Eamiálbmogiid máhtuid ja gielaid nanosmahttin ja ealáskahttin
  • Eamiálbmogiid bajásgeassima ja oahpahusa dekoloniseren

ÁIGEMEARIT

Konferánssa lávdegoddi giitá buot abstrávttaid ovddas, ollu giitu! Konferánssa lávdegoddi árvvoštallá buot abstrávttaid mat leat boahtán. 

Koronadoaibmaibijuid dihte ja lágideami maŋideami dihte lea áigemearri guhkiduvvon. Konferánssa lávdegoddi háliida ahte eanet oahpaheaddjit mánáidgárddiin ja vuođđoskuvllain ja studeanttat ja oahpaheaddjit alitoahpahusain dollet ovdánbuktimiid.

FUOM! GUHKIDUVVON ÁIGEMEARRI BUKTIT/SÁDDET ABSTRÁVTTA. Ođđa áigemearri boahtá. 

fuom! OĐĐA ÁIGEMEARRI DIEĐIHIT KONFERÁNSII GUHKIDUVVO. SII GEAT LEAT DIEĐIHAN KONFERÁNSII, SÁHTTET DOALAHIT IEŽAS OASSÁLASTIMA. JUS ÁIGGUT SIHKKUT DIEĐIHEAMI, VÁLDDE OKTAVUOĐA SÁMI ALLASKUVLLAIN.

Picture

Bovdehus

Mii bovdet mánáidgárdebargiid, -oahpahedjiid ja -eaiggádiid, vuođđo- ja joatkkaskuvllaid ja alitoahpahusa oahpaheddjiid ja jođiheddjiid, dutkiid ja studeanttaid, juogadit iežaset dutkama.

Konferánssa lávdegoddi áinnas sávvá mánáidgárddiid, vuođđoskuvlla- ja alitoahpahusa ovdanbuktimiid. Konferánssa lávdegoddi árvvoštallá buot ja gávdná daidda heivvolaš saji konferánssa prográmmas.

Fuomáš! Sámi mánáidgárde- ja skuvlaoahpaheaddjit, geat dollet ovdanbuktima eai dárbbaš máksit konferánsadivvaga.

Picture

Konferánsagielat

Konferánsagielat leat sámegiella, eŋgelasgiella ja davviriikalašgielat. Mii sávvát ahte sámegielat logaldallit geavahit sámegiela. Logaldallamat váldokonferánsalanjas dulkojuvvojit.  

 

Picture

SÁDDE ABSTRÁVTTA

Sádde abtrávtta sisa dán e-boasta čujuhussii:saok2020@samiskhs.no