Dáhpáhusat:

Giellavahkku
19. golggotmánu, 16:30 - 21. golggotmánu, 17:00

Hearvaságat Johan Ailo Kalstadas ja Harald Gaskis

Dan vahkku lea Giellavahkku ja dán oktavuođas leat hearvaságat Guovdageainnu Lagasrádios.

Giellavahkku
21. golggotmánu, 12:00 - 12:30

Lunšakonsearta Inger Gaup

Inger Gaupa doallá konseartta Giellavahkku oktavuođas maid Sámi allaskuvla ja Sá

Rabas seminára
08. juovlamánu, 09:00 - 16:00

Sámegiella ja girjjálašvuohta

Sámegiela ja sámi girjjálašvuođa doavttirgrádaprográmma lágida rabas seminára Sámi allaskuvllas d

Dutkanbeaivvit
25. čakčamánu, 17:30 - 18:00

Filbmačájáhus / Filmvisning

Diehtosiiddas čájehuvvojit guokte filmma “Eadni, juoiggastivččet go?” ja “Mii”. Filmmaid lea ráhkadan Sámi allaskuvlla studeanta Máret Inger Aslaksdatter Anti. Dat lea oassin Dutkiid eahkedis mii lágiduvvo Alfreds Kroas maŋŋel filbmačájáhusa, masa Máret Inger maid searvá. Sisabeassan filbmačájáhussii Diehtosiiddas lea nuvttá.

Kárášjohkalaš Rávn'Ásllat Áillu Máret Inger lohká maŋemuš jagi Sámi journalistihka bachelorgráda oahpu, mas lea earret eará filbmaoahppu oassi. Son lea skuvlavázziidettiin ráhkadan golbma filmma mat leat čájehuvvon earret eará Skábmagovain, Rørosas, Helssegis, Álttás ja Kárášjogas.

Son ráhkada áigeguovdilis filmmaid mas gieđahallá earret eará juoigan fáttá ja lea filmmaid bokte maiddái ožžon stuora fuomášumi. Máret Inger boahtá juoigalas bearrašis ja lea bajásšaddan luđiin, ja luođit leat ge maid hui guovddážis su filmmain.

“Eadni, juoiggastivččet go?”
Mu filbmamuitalus lea mu eatni birra – manne juoiggadettiin jávohuvvá. Min unna oappáš, Ánne Májjá jámii dušše 7-jahkásažžan, ilgadis busselihkohisvuođas 20 jagi dassái. Mun in leat šat dan rájes eatni gullan juoigamin oabbárohkki, dan beaivve jámii su juoiganmokta maid. Mun geahččalan ohcat vástádusa jávohisvuhtii mii báhcá go lagamusat eret vádjolit ja manne eadni jávohuvvá.

“Mii”
Dát oanehis dokumentára čájeha buolvvaid ráhkisvuođas. Filbma muitalus lea mo okta bearaš ovttasráđiid čovdet drámahtalaš dili maid sii vásihit ja mo luohtebottut čovdet čuolmmaid. Nuorra doavttir, Máret Lájlá Nedrejord, geahččala veahkehit áhkus ja ádjás. Son geavaha veahkkin árbevirolaš čehppodaga nannet áhkus ja ádjás sihke psyhkalaččat ja silolaččat. Su áhkus, Johanas-Elles leamaš vuoiŋŋaščaskástat guktii ja lea massán hállama. Áddjá, Káre-Máhtte, lea ges muittohuvvan ja muittaša dávjá dan áigge go ieš lei alimus boazobargi. Filmmas oaidnit luođi fámu go muittut bohciidit.

Fuom!
Koronaeastadeami dihte leat ráddjejuvvon sajit. Boađe buori áiggis ovdal álgima vuoi mii beassat registreret du nama listui. Bivdit din doallat njoammuneastadannjuolggadusaid:
• Doallat gaskka eará joavkkuide.
• Leahkit dárkil giehtahygienain.
• Ii galgga boahtit Diehtosiidii jus leat buohcci dahje nuorvolágan dávdamearkkat.

//

Det blir filmvisning av to filmer “Eadni, juoiggastivččet go?” og “Mii”. Filmene er regissert av Samisk høgskole filmstudent Máret Inger A. Anti. Filmvisningen er en del av Forskernatt 2020 som arrangeres på Alfreds Kro senere på kvelden. Maret Inger er en del av panelet i Forskernatta.

Maret Inger A. Anti er fra Karasjok og studerer journalistikk ved Samisk høgskole. Hun har i løpet av studietiden regissert tre dokumentar filmer, som har blant annet hatt visninger på Skábmagovat Film Festival, i Røros, Helsinki, Alta og Karasjok.

Maret Inger A. Anti tar opp tidsaktuelle temaer med joik som bakteppe. Hun har gjennom sine filmer utmerket seg som en ny og spennende filmskaper i Sápmi.

Nb! Pga. Smittevern er det begrenset med plasser. Vi ber dere møte opp i god tid før arrangementet starter da vi må registrere alle gjester.
Vi ber dere overholde alle smittevernregler:
• Hold god avstand til andre.
• Vær nøye med håndhygiene.
• Ingen får møte på Diehtosiida dersom de er syke eller har forkjølelseslignende symptomer!