Studeanttaide

(Ođastuvvon ođđajagimánu 7. beaivvi 2021)

Norgga ráđđehus mearridii lávvordaga 4.1.2020 ahte universitehtat ja allaskuvllat eai beasa fysalaš logaldallamiid doallat boahtte guokte vahkku. Nu fertejit logaldallamat lágiduvvot digitálalaččat. Mearrádusa ulbmil lea hehttet covid-19 dávdda leavvamis maŋŋel go njoammulogut fas leat lassánan Norggas.

Ráđđehusa ođđa rávvagat

  • Ráva ahte olbmot eai galgga guossástallat ruovttuin. Vuordde 14 beaivvi ovdal go finat guossis. Dat ii gusto dárbbašlaš ruovttubálválussii ja jus galggat gálledit olbmo gii lea jápminseaŋggas.
  • Ráva ahte buohkat orrot eanemus lági mielde ruovttus boahttevaš vahkkuid vai unnidit sosiála servvoštallama

  • Garvve dárbbašmeahttun mátkkiid sisriikkas. Mátkkiid astoáigeviesuide sáhttá čađahit go earáiguin ii leat oktavuohta

  • Sii geat bohtet rukses riikkain fertejit čájehit negatiivvalaš covid-19 iskosa rája nalde mii ii leat boarráset go 72 diimmu

    • Ii guoskka olbmuide geat bohtet Ruoŧas ja Suomas bargui ja geat jeavddalaččat rasttildit rájáid

    • Rádjarasttideaddjit fertejit Norggas testejuvvot juohke goalmmát beaivvi errenáigodagas

    • Fertejit bargosajis/oahppoásahusas garvit lagas oktavuođa earáiguin vaikko beasságe spiehkastit errengáibádusas bargosajis

  • Ferte leat dohkálaš orrunsadji go boahtá Norgii (sierra latnja ja mas nagoda garvit earáiguin oktavuođa).

Diehtosiida: Ođđajagimánu 5. b. gitta ođđajagimánu 19. b. lea Diehtosiida rabas dušše studeanttaide ja bargiide. Studeanttat ja bargit fertejit atnit čoavddakoartta go galget beassat Diehtosiidii. 

Čoavddakoarta: Ođđa studeanttaide ráhkaduvvo dábálaččat čoavddakoarta ovdakantuvrras. Koronadilálašvuođa geažil ávžžuhit du diŋgot čoavddakoarta oahppohálddahusas (oahppohalddahus@samas.no). Sádde mielddusin iežat nama ja gova.

Riskavuloš studeanttat: Studeanttaide main lea alit riska duođalaččat buohccát jus covid-19 dávda njoammu, berre árvvoštallat heivehit skuvlabargguid/oahpu. Ferte leat doavtterduođaštus dakkár heiveheami oažžut.

Deháleamos njoammuneastandoaimmat máid buohkat galget čuovvut, leat:

1. Buohcan ja erren

  • Jus leat buohcci dahje illáveaje, de galggat orrut ruovttus.
  • Jus leat erremis, de it galgga boahtit Diehtosiidii.

2. Ráinnasvuohta

  • Basa gieđaid dávjá ja dárkilit loika sáibočázis. Jus ii leat čáhci, geavat giehtasprihta.
  • Gastit ja gossat galgá njunnebáhpira sisa máid bálkestat, dahje jus ii leat bábir, de giehtagávvii.
  • Basa gieđaid ovdal go guoskkahat ámadaju ja ovdal go boradat.

3. Doalat gaskka eará olbmuide

  • Doalat unnimusat mehtera gaskka nuppi olbmui juohke sajis.

4. Mátkkošteapmi

Ávžžuhit buot bargiid ja studeanttaid unnimus lági mielde mátkkoštit. 

  • Jus it oro beaivválaččat Guovdageainnus de sáhtát lihkká oahpahusa čuovvut digitálalaččat, go Sámi allaskuvlla fállá buot oahpahusa digitálahámis maiddái vaikko doalahit maiddái fysalaš logaldallamiid Diehtosiiddas

Buohkat geat bohtet Norgii dakkár guovllus máid Norgga ráđđehus lea merken ruoksadin ja ránisin kárttas, sii galget 10 beaivvi erremii go bohtet Norgii. 

Fuomáš! Dilli sáhttá fáhkkestaga rievdat, ja nu maiddái doaibmabijut. Dan birra dieđihit dáppe neahttasiiddus.

Eahpesihkar? 

Váldde áinnas oktavuođa ja sáddes midjiide e-boasta jus leat eahpesihkar dahje leat gažaldagat oahppojagi/lohkanbaji álgiimi. E-boasta čujuhus: oahppohalddahus@samas.no.