Dáhpáhusat:

Rabasbeaivi
04. njukčamánu, 10:30 - 14:30

Min skuvla, du boahtteáigi

Leat go jurddašan iežat boahtteáiggi birra? Dieđat go makkár vejolašvuođaid Sámi allaskuvlla oahput fállet? Sámi allaskuvllas lea rabasbeaivi buohkaide. Dáppe beasat gullat makkár oahppovejolašvuođat dus leat. Fina gáfestállame ja humadeame minguin.

Fágabeaivvit
22. cuoŋománu, 08:00 - 23. cuoŋománu, 15:00

Sámi pedagogalaš fágabeaivvit

Fágabeivviid fáddá lea sámi mánáid ja nuoraid bajásšaddandilli, giella ja teknologiija.

konferánsa
25. miessemánu, 11:00 - 27. miessemánu, 11:00

SÁMI OAHPAHUSKONFERÁNSA 2020

Sámi allaskuvla ja Sámediggi Norgga bealde Sámis lágidit gaskariikkalaš oahpahuskonferánsa Sámedi

Symposia
03. Geassemánnu, 08:00 - 04. Geassemánnu, 16:00

Sámegiela ja girjjálašvuođa symposia

Gaskavahku 3. beaivvi ja duorastaga 4. b. geassemánus 2020

Sámi allaskuvla, Oulu universitehta Giellagas-instituhtta, Ubmi universitehta ja UiT Norgga árktalaš universitehta lágidit Sámegiela ja sámi girjjálašvuođa dutkan- ja bagadallansymposia Sámi allaskuvllas Guovdageainnus 3.–4.6.2020.

Oktasaš sámesymposiat leat lágiduvvon jagi 1993 rájes, ja daid ulbmilin leamaš álggu rájes čohkket sámegiela ja sámi girjjálašvuođa dutkiid ja doavttirgráda- ja masterstudeanttaid iešguđege guovlluin. Mii bovdet buot sámegiela ja sámi girjjálašvuođa dutkiid ja studeanttaid searvat symposiai.

  • Symposijumen barkoegïelh leah gaajhkh saemiengïelh. Buerie båateme!
  • Symposian bargguogielah leäh gájkah sámiengielah. Buerestbåhtieme!
  • Symposiuma barggogiela le divna sámegiela. Buoris boahtem!
  • Symposia bargogielat leat buot sámegielat. Bures boahtin!
  • Symposium pargokielah láá puoh sämikielah. Tiervâpuáttim!
  • Symposiuum tuejjǩiõl liâ puk sää´mǩiõl. Pue´tted tiõrvân!
  • Симпозиум лыххкэм кӣл ле̄в пугк са̄мь кӣл. Пуэдтӭ тӣррвэнҍ!

Symposia bovdejuvvon logaldallit: Almmuhuvvojit maŋŋelis

DIEĐIHEAPMI 

Jus háliidat ovdanbuktit du dutkanbarggu, sádde abstrávtta dahje oanehis ovdanbuktima čilgehusa sisa. Abstrákta galgá sisttisdoallat bajilčállaga, ulbmila ja oanehis čilgehusa. Guhkodat galgá leat 200-300 sáni. Konferánssa lávdegoddi árvvoštallá buot abstrávttaid ja gávdná daidda heivvolaš saji konferánssa prográmmas.

Dieđalaš sáhkavuorru dahje logaldallan – 20 min. sáhkavurrui ja 5-10 min. gažaldagaide ja ságastallamii. Dieđalaš sáhkavuorru galgá sisttisdoallat dutkangažaldaga/ulbmila, teorehtalaš vuođu, dutkanmetoda, ja (vurdojuvvon) bohtosa. 

Áigemearit:

Abstrávtta dieđiheapmi 15.3.2020

Oassálastin: 17.4.2020

Sádde epoasta čujuhussii: sagi2020@samiskhs.no