Govas studeanta Máret Inger Anti ja filbmaoahpaheaddji Nils Gaup. Govven: Liv Inger Somby

ođđajagemánu 16. beaivi 2020

Sámi allaskuvlla studeanttaid filmmaid čájehit Skábmagovain ja Helssegis

 

Dál lahkona fargga fas Skábmagovaid filbmafestivála Anáris. Sámi allaskuvlla journalistihka- ja filbmastudeanttat leat ožžon buriid ságaid festivála lágideddjiin.  Vihtta studeanta čájehit iežaset filmmaid ja gávcci filmma leat válljejuvvon čájehit álgoálbmotfilbmafestiválas mii álgá ođđajagimánu 23. beaivvi.  Máret Inger A. Anti čájeha buot golbma filmma festiválas.

Geahča prográmma dás.

Davviriikkaid ministtarráđi Nordic Culture point doaluin čájehit maiddái Sámi allaskuvlla filbmastudeanttaid filmmaid. Doalut leat Helssegis guovvamánu 7.beaivve.

Dál leat vihtta studeanta ožžon dieđu ahte sin filmmaid leat válljen eahketdoaluide Orion Cinemas.   Sara Beate Eira Persson,  Máret Inger A. Anti, Sunna Nousuniemi, Elin Marakatt ja Ingar Marja Sarre leat dál ožžon dieđu ahte sin filmmat vuoruhuvvojit dáidda doaluide. Oktiibuot 13 sámifilmma čájehuvvojit dáin doaluin.

 

Sámi allaskuvlla studeanttat filbma produkšuvnnas ovttas bagadalliin Dan Jåmain. Govven: Liv Inger Somby