BA - Sierra kursa

JOU 117-3 Journalistihka giellagáhtten 3

  • Oahpahusgiella: Oahpahusgiella lea davvisámegiella, muhto skandináva gielat ja eŋgelasgiella sáhttet geavahuvvot. 
  • Oahpahusbáiki: Luohkkálatnjaoahpahussan Sámi allaskuvllas ja/dahje neahttaoahpahussan        
  • 5 oahppočuoggá
  • Oahppu lea oassi Sámi journalistihka bacheloroahpus
  • Oahppoplána
  • Deaivvadanplána

Journalistihka giellagáhtten 3:žis deattuhuvvo sámi árbevirolaš máinnastan- ja muitalanvuohki ja sátneráju riggudahttin. Oahpus gieđahallojuvvot sámi árbevirolaš gielalaš váikkuhanvuogit: máinnastan- ja muitalanvuohki, sátneriggodat, dajaldagat ja sátnevádjasat. Studeantat čikŋot featurečállimii ja guorahallet kritihkalaččat iežaset ja eará featurečállosiid sisdoalu, stiilla ja gielalaš váikkuhanvugiid.

 

 

Filesize: 275 KB

Sisabeassangáibádusat

Studeanttat fertejit leat čađahan Journalistihka giellagáhtten 2 dahje vástideaddji oahpu ovdal besset Journalistihka giellagáhtten 3:ii.
Jos leat sajit, de sáhttet olggobeale/ eksterna ohccit ohcat dán ohppui. Ohccit fertejit deavdit Sámi allaskuvlla vuođđooahpuid oppalaš sisaváldingáibádusaid.
Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta. Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.