BA - Sierra kursa

JOU 203 Guorahalli journalistihkka

  • Oahpahusgiella: Davvisámegiella, skandinávagielat ja eŋgelasgiella
  • Oahpahusbáiki: Sámi allaskuvllas
  • 10 oahppočuoggá
  • Čakčalohkanbadji 2020
  • Oahppoplána
  • Deaivvadanplána

 

Oahpahusa sisdoallu lea kritihkalaš guorahalli journalistihka. Studeanttat galget lasihit iežaset journalisttalaš gelbbolašvuođa ja oahppat hálddašit guorahalli journalisttalaš bargovugiid. Guorahalli journalistihkas oahppá journalisttalaš bargovugiid máid leat váttis hálddašit, ja mat gáibidit ollu barggu.

Dás oahppá mo sáhttá váldit čielgasa mohkkás áššiin, ja makkár erenoamáš gáibádusat dákkár áššiin leat gáldogeavaheamis ja gáldokritihkas. Guovddaš fáddá lea erenoamáš juridihkalaš ja mearrádusaid váikkuhusaid váttisvuođat mat sáhttet čuožžilit guorahalli journalistihka olis.

Oahpus geavahuvvo case-analysa ja studeanta bargá ieš aktiivvalaččat ođasáššiid dahje –reportáša ovddidemiin, ja geavaha daid bargguin guorahalli metodaid maid son lea aiddo oahppan.

 

Oahppoplána
Filesize: 617 KB
Deaivvadanplána
Filesize: 23 KB

Sisabeassangáibádusat

Jos leat sajit, de sáhttet olggobeale/ eksterna ohccit ohcat dán ohppui. Ohccit fertejit deavdit Sámi allaskuvlla vuođđooahpuid oppalaš sisaváldingáibádusaid.

Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta.

Sámegiela gáibádusa sáhttá deavdit čuovvovaš vugiid mielde:

  • Norgga joatkkaskuvllas sámegiella 1. dahje 2. giellan 2,
  • Suoma logahagas eatnigielladutkkus dahje lohkan sámegiela vierrogiellan
  • Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde.

Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Koordinator

livis's picture
Somby, Liv Inger
Phone: 
Mobile: 
E-mail: 
Liv-inger.Somby@samiskhs.no