BA - Jahkebealovttadat

Sámegiella ja sámi girjjálašvuohta 1 (BASA 1)

  • Oahpahusgiella: Davvisámegiella
  • Oahpahusbáiki: Sámi allaskuvllas ja neahta bokte
  • 30 oahppočuoggá 
  • Deaivvadanplána biddjo deike: TimeEdit

Dát oahppu addá studeanttaide vuođđodieđuid ja dáidduid sámegielas ja sámi girjjálašvuođas. Sámegiela teoriijavuođđu ja fágaperspektiiva viiddida studeanttaid áddejumi gielas ja iešguđetlágán teavsttain. Oahpus deattuhuvvo erenoamážit čálalaš ja njálmmálaš giellageavaheapmi.

Oahppu juhkkojuvvo golmma fáddájovkui maid guđege sáhttá lohkat sierra.

1) Davvisámegiela morfologiija ja cealkkaoahppa (SAM 108)

2) Sámi girjjálašvuođa vuođđokursa (SAM 111)

3) Davvisámi fonetihkka, fonologiija ja čállinvuogit (SAM 102)


Oahppu lea oassin sámegiella ja sámi girjjálašvuođa bacheloroahpus, muhto heive buot sámegiellaberošteddjiide ja dutnje gii áiggut bargat sámegielain.

Sisabeassangáibádusat

  • Oppalaš lohkangelbbolašvuohta dahje reálagelbbolašvuohta
  • Sámegielmáhttu.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas atnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul

FUOMÁŠ: Dehálaš áigemearit

Koordinator

annime's picture
Magga-Eira, Anni
E-mail: 
Anni-Maaret-Magga.Eira@samiskhs.no