Sámi oahpahuskonferánsa 2017
Hotealla lea dievvan Guovdageainnus. Diehtosiidda olggobealde oidno lávvu. Muohta ii leat vel áibbas suddan ja biegga davás. Diehtosiidda siskkobealde barget Sámi allaskuvlla bargit maŋimus ráhkkananbargguid ovdalgo Sámi oahpahuskonferánsa álgá odne. Lea gaskariikkalaš konferánssa mas guossit ja oassálastit bohtet viidát máilmmis.
Ulbmil dáinna konferánssain lea ahte eamiálbmogat besset oahpahusvásáhusaid lonohallat gaskaneaset. Dat lea konferánsa mii lokte oidnosii sámi mánáidgárddiid ja skuvllaid oahpaheddjiid ja bargiid. Sin vásáhusaid ja árgabeivviid muitalusaid.
Eamiálbmotkultuvra vuođđun
Sámi oahpahuskonferánssas boahtá ovdan movt eamiálbmotkultuvra lea vuođđun mánáidgárddiin, skuvllain ja allaoahpahusas. Dutkit, oahpaheaddjit ja studeanttat juogadit iežaset vásáhusaid konferánssas. Doppe leat duddjon ja lávostallanbottožat, logaldallamat, dieđalaš oanehissáhkavuorut, filmmat studeanttain ja oahpaheddjiin, posterat ja maiddái estehtalaš ja akademalaš bargobájit.
Sámegiella ja engelasgiella leat konferánsagielat mat dulkojuvvojit.
Eanet dieđut ja maiddái buot ođđaseamos dieđut ihtet čuovvovaš siidui:
