BA - Single course

DUO 140 Duoji ja hábmema lágidit almmolašvuhtii

  • Oahpahusgiella: Váldo oahpahus- ja eksámengiella lea davvisámegiella. 
  • Oahpahusbáiki: Neahttadoarjjaoahpahus: Oahpus leat sihke fysalaš deaivvadeamit Sámi allaskuvllas ja neahttaoahpahus. Logaldallamiidda lea vejolaš oassálastit neahta bokte, muhto hárjehusat ja bargobájit gáibidit fysalaš searvama.
  • 10 oahppočuoggá
  • PDF icon Oahppoplána
  • Diibmoplána ja deaivvadanplána: TimeEdit
  • Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no

Sisdoallu

Oahpu ulbmil lea fidnet vásáhusa, mo produkšuvdna lágiduvvo ideas gitta gárvves duodjái. Studeanttat galget sáhttit ráhkadit smávit produkšuvnnaid. Oahpus studeanttat besset oahpásmuvvat mo vuhtiiváldit plánema ja čađaheami ovdamearkka dihte čájáhusaid, doaluid dahje teáhterbihtáid oktavuođas. Oahpus galget studeanttat maid digaštallat, maid mearkkaša báikki ja guovllu iešdovdu doaluid hábmemis. Oassin oahpus lea oahpásmuvvat mo eará álgoálbmot guovlluin leat geavahan kultuvrii čadnon dávviriid ja biktasiid sierra láhttadallamiid oktavuođas.

Studeanttat galget joavkkuid mielde dahkat smávit produkšuvnnaid. Čuovvut/áicat muhtun produkšuvnna ja oaidnit iešguđet osiid das mat leat dehálaččat bohtosii.

Studeanttat galget fidnet dieđuid ja hárjáneami mo lágidit duoji almmolaš oktavuođaide, jogo teáhterii, čájáhussii dahje eará almmolaš dilálašvuođaide. Studeanttat galget hárjehusaid bokte beassat dovddiidit mo sierra produkšuvnnat doibmet álggus gitta lohppii.

Studeanttat galget fidnet vuođđodieđuid bivttas- ja hápmahistorjjás, mat leat čadnon eará álgoálbmogiid rituálaide ja čájálmasaide.

Bargogáibádusat

Čuovvovaš gáibádusat galget leat dohkkehuvvon ovdal studeanta beassá eksámenii:

  • Čađahan ovtta stuorra kreatiivvalaš joavkoprodukšuvnna dahje guokte smávit produkšuvnna. Produkšuvnna fáddá ja viidodat šihttojuvvo fágaoahpaheddjiiguin.
  • Joavku ráhkada oktasaš portfolio produkšuvnnas, mas oidno juohke studeantta bargooassi, su kreatiivva bargguid ja njálmmálaš reflekšuvnnaid olis.

Eksámen

Eksámen lea guovtti oasis:

  1. Joavkoeksámen mas studeanttat čađahit čájáhusa/čájálmasa, mas juohke studeanta bargu boahtá ovdan. Deattuhuvvo 70 % loahpalaš árvosánis.
  2. 10-15 minuvtta oktagaslaš njálmmálaš eksamen, mas studeanta reflektere produkšuvnna. Deattuhuvvo 30 % loahpalaš árvosánis.
Apply

Entrance requirements

  • Dábálaš sisabeassangáibádusat alitohppui. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla, logahaga dahje gymnása) dahje reálagelbbolašvuohta.
  • Sámegielmáhttu
  • Duodje-, dáidda- dahje hábmengelbbolašvuohta

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida.

Duodje-, dáidda- dahje hábmengelbbolašvuođa gáibádusa sáhttá duođaštit čuovvovaš vugiid mielde: Norgga joatkkaskuvllas čađahan duodje-, dáidda- dahje hábmenoahpu, Suomas  duodje-, dáidda- dahje hábmensuorggi artesánaoahpu, Ruoŧa gymnásas čađahan estehtalaš- dahje sámeprográmma. Duodje-, dáidda- dahje hábmengelbbolašvuođa sáhttá maiddái deavdit jus lea maŋŋel joatkkaskuvlla čađahan unnimusat jagi duodje-, dáidda- dahje hábmensuorggi oahpu ámmátskuvllas dahje fágaskuvllas, dahje universitehta- ja allaskuvladásis čađahan unnimusat 15 oahppočuoggá duodje-, dáidda- dahje hábmensuorggi oahpu.

Jus ohccis ii leat formála gelbbolašvuohta fágasuorggis, de sáhttá ohcci maiddái duođaštit duodje-, dáidda- dahje hábmenfágalaš gelbbolašvuođa iežas bargguid bokte. Dasto galgá juogo sáddet sisa ja oažžut dohkkehuvvot:

  • Govaid unnimusat viđa duojis, dahje
  • 2-3 duodje-, hábmen dahje dáiddalaš prošeavttain, mat čujuhit kreatiivvalaš proseassaide, ovdamearkka dihtii portfolio

Dárbbu mielde ovddiduvvo gelbbolašvuođa meroštallan fágalaš árvvoštallamii ja meannuduvvo dán vuođul. Sáhttá nai čađahuvvot ságastallan duodjegelbbolašvuođa árvvoštallama doarjjan.