Pile o'Sápmi Supreme

Nationalmusea lágida ovttas Sámi allaskuvllain ja Riddo Duottar Museaiguin Máret Ánne Sara dáiddačájáhusa Pile o'Sápmi Supreme borgemánu 9. beaivvi rájes gitta 13.b. rádjái.

• Dás sáhtát lohkat eambbo čájáhusa birra Nationatmusea neahttasiiddus (dárogillii).

Prográmma:

Mánnodaga 9.b. rájes duorastahkii 12.b. rádjái:

dii 10-15 Čájáhus lea rabas gehččiide, láidesteaddji lea sajis dáidaga luhtte.
dii 15-16 Vázzin/čájáhus mii álgá Sámi allaskuvllas Pile o'Sápmi Supreme dáidagiin, ja loahpahuvvo Power Necklace, Gielastuvvum ja Pile Power dáidagiin Gilišilljus/RiddoDuottarMuseas.

Bearjadaga borgemánu 13.b.:

dii 10.00-13.00 Čájáhus lea rabas gehččiide, láidesteaddji lea sajis dáidaga luhtte.
dii 13.00-13.30 Dáiddárpresentašuvdna ja artista ságastallan Máret Ánne Sáráin ja Stina Högkvisttain, gii lea Nationalmusea čoakkáldatdirektevra.
dii 13.30-14.00 Mari Boine musihkka.
dii 14.00-14.45 Panelaságastallan, oassálastit Máret Ánne Sara, Beaskka Nillas, Mari Boine, Gunvor Guttorm ja Harald Gaski (láidesteaddji).
Loahpahuvvo Mari Boine lávlagiin go dáiddá fas guođđá Guovdageainnu.

Pile o'Sápmi Supreme-čájáhus lea Diehtosiidda kantiinnas. Nu lea maid olles bearjadaga prográmma.