DUO-2002 Duodji ja ovdánahttin-čieknudeapmi
- Oahpahusgiella: Váldo oahpahus- ja eksámengiella lea davvisámegiella. Jus oassi logaldallamiin lea eará sámegielaide, dáro- dahje ruoŧagillii, de dat dulkojuvvo dárbbu mielde. Jus logaldallamat leat eaŋgalasgillii, dat eai dulkojuvvo. Eará sámegielat studeanttaide geahččalit láhčit dili nu ahte sii sáhttet čállit bargguid ja eksámena, ja oažžut oasi bagadallamis iežaset sámegillii.
- Oahpu lágideapmi: Neahttadoarjjaoahpahus: Oahpus leat sihke fysalaš deaivvadeamit Sámi allaskuvllas ja neahttaoahpahus. Logaldallamiidda lea vejolaš oassálastit neahta bokte, muhto bargobájit gáibidit fysalaš searvama.
- 30 oahppočuoggá
- Ollesáiggeoahppu
Oahppoplána- Diibmoplána/Deaivvadanplána: TimeEdit
- Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no
Oahppu fállá praktihkalaš ja teorehtalaš dieđuid ja máhtuid, maiguin viiddidit ja ovdánahttit studeantta duodje- ja hábmenčehppodaga. Dan lassin studeantta máhttu ja ipmárdus duoji ja duddjoma holisttalašvuođas viidu, go son lahkona duoji sierra vugiiguin ja dieđuiguin. Dán oahpus sáhttá studeanta válljet čiekŋudit stuorit duodjebargui/prošektii, mainna bargá olles lohkanbaji áigge.
Oahppu lea čiekŋudanoahppu duoji ja hábmema bachelorprográmmas. Prográmmastudeanta sáhttá válljet čađahit juogo DUO-2001 Duodji ja ovdánahttin (15 oč) dahje DUO-2002 Duodji ja ovdánahttin- čiekŋudeapmi (30 oč) oahpu oassin geatnegahtton čiekŋudanoahpuin. DUO-2002 oahppu lea earenoamážit jurddašuvvon sidjiide guhtet háliidit stuorit duodjebargguin bargat dán lohkanbajis.
Gáibádusat beassat eksámenii:
Ovdal beassá eksámenii, galgá studeanta:
- Oassálastit unnimusat 75 % lágiduvvon oahpahusas
- 2-3 smávit duodjebarggu dahje okta stuorit duodjebarggu/-prošeavtta oktagaslaš bargun dahje bárra-/joavkobargun. Barggu sisdoalu ja viidodaga árvvoštallat ovttas fágaoahpaheddjiiguin.
Eksámen:
Eksámen lea guovtti oasis:
1. Duodji/duojit maiguin lea bargan oahpu áigge ja portfolio. Árvvoštallat fágaoahpaheaddjiiguin portfolio bargomeari ja ulbmila. Deaddu lea 80 % loahpalaš árvosánis.
2. Njálmmálaš eksámen. Deaddu lea 20 % loahpalaš árvosánis.
Entrance requirements
- Dábálaš sisabeassangáibádusat alitoahpahussii. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga/gymnása) dahje reálagelbbolašvuohta. Oppalaš lohkangelbbolašvuođa gáibádusat olgoriikkaohcciide bohtet ovdan NOKUTa GSU-listtus. Go oahppu lágiduvvo sámegillii, de olgoriikkaohcciide ii gusto dárogielagáibádus, vrd. Forskrift om opptak til høgare utdanning § 2-2 (6).
- Sámegielmáhttu.
- Dasa lassin galgá studeanta čađahan dahje čađaheame unnimusat ovtta duoji ja hábmema bachelora fágaoahpuin dahje vástideaddji oahpuin.
Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida.
Dárbbu mielde ovddiduvvo gelbbolašvuođa meroštallan fágalaš árvvoštallamii ja meannuduvvo dán vuođul. Sáhttá nai čađahuvvot ságastallan duodjegelbbolašvuođa árvvoštallama doarjjan.
Koordinator
