What's up

DutkanSápmi
10. June, 08:30 to 13. June, 08:30

Dieđavahkku

DutkanSápmi – Dieđavahkku is arranged 10.-13.06. This is a new concept, targetin

SÁMI AND INDIGENOUS EDUCATION CONFERENCE 2026
06. October, 08:15 to 08. October, 14:15

Birget girjás máilmmis odne ja ihttin

Save the dates! 

See more events
Sámi Giellavahkku
22. October, 09:00 to 23. October, 16:00

Konrad Nielsena 150 jagi ávvoseminára

BOVDEHUS

Konrad Nielsena 150 jagi ávvoseminára

22.–23.10.2025  Sámi allaskuvllas Guovdageainnus

Konrad Nielsen (1875–1953) lei gielladutki ja Oslo universitehta suoma-ugralaš gielaid professor, gii barggai erenoamážit davvisámegiela suopmaniiguin ja čállinvugiin. Nielsena dovdoseamos dieđalaš bargu lea su sátnegirji Lappisk (samisk) ordbok.

Konrad Nielsen riegádii 28.8.1875, ja dán jagi lea gollan 150 jagi su riegádeamis. Sámi allaskuvla ja Turku universitehta lágidit ovttasbargun Konrad Nielsena 150 jagi ávvoseminára sámi giellavahku áigge 22.–23.10.2025. Ávvoseminára gullá Sámi allaskuvlla Eamiálbmotgielaid logijagi (2022–2032) doaimmaide.

 

Ávvoseminára váldologaldallit leat:

Inga Lill Sigga Mikkelsen (UiT Vuona arktalasj universitiehtta): Sáhkavuoru fáddá almmuhuvvo maŋŋeleappos.

Markus Juutinen (Turku ja Oulu universitehtat) ja Taarna Valtonen (Turku, Helssega ja Oulu universitehtat): Sääʹmǩiõl tuʹtǩǩummuš Taar beäʹlnn Nielsen ääiʹj rääʹjest / Nuortalašgiela dutkan Norgga beale Sámis Nielsena áiggiid rájes 

Bovdet sáddet evttohusaid ávvoseminára sáhkavuoruide, mat sáhttet guoskat Konrad Nielsena dieđalaš árbbi dutkamii muhto maiddái buot sámegielaid dutkamii Nielsena dutkansurggiid hui viiddes mearkkašumis. Sáhkavuorut sáhttet gokčat máŋggalágan fáttáid omd. sámegielaid leksikografiijas, dialektologiijas, giellaoahpas, čállinvugiin ja nammadutkamis.

Sáhkavuoruid guhkkodat lea 20 minuhta ja 10 minuhta ságastallan, ja sáhkavuoruide sáddejuvvojit eanemustá 300 sáni čoahkkáigeasut (abstrávttat). Čoahkkáigeasut, main namuhuvvojit maiddái sáhkavuoruid bajilčállagat ja logaldallit, sáddejuvvojit Word-hámis  maŋimustá 30.5.2025 e-bostii KN150@samas.no. Gažaldagat lágideddjiide sáddejuvvojit maiddái dán e-bostii.

Geavatlaš dieđut ja seminára prográmma almmuhuvvojit dađistaga seminára neahttasiiddus https://samas.no/se/a/konrad-nielsena-150-jagi-avvoseminara. Oassálastindivat, mii gokčá beaiveborramiid, ávvomállásiid ja semináramateriálaid, lea 2000 NOK. Ávvoseminárii almmuheapmi rahppo borgemánus.

       Seminaaren barkoegïelh leah gaajhkh saemiengïelh. Buerie båateme!

       Seminára barggogiela le divna sámegiela. Buoris boahtem!

       Seminára bargogielat leat buot sámegielat. Bures boahtin!

       Seminaar pargokielah láá puoh sämikielah. Tiervâpuáttim!

       Seminaar tuejjǩiõl liâ puk sääʹmǩiõl. Pueʹtted tiõrvân!

       Семинар лыххкэм кӣл ле̄в пугк са̄мь кӣл. Пуэдтӭ тӣррвэнҍ!

 

Dearvvuođaiguin ávvoseminára lágideaddjit

Kaisa Rautio Helander ja Jussi Ylikoski

Bovdehus: PDF icon bovdehus_konrad_nielsena_150_jagi_avvoseminarii.pdf