Podcast-ráidu boađi-boađi

Duorastaga njukčamánu 6. beaivve beasat fas gullat Sámi allaskuvlla podcastráiddu Oahppu ii deatte. Nubbi sesoŋga lea dál gárvvis, ja vuosttaš oasis oahpásmuvvat Jens Martin Mienna jurdagiidda.

- Man dihte ii oahpa oahppi?  Mun háliidan ahte mu oahppi galgá ovdánit ja jus ii ovdán, de ferten mun jurddašit mot mun galggan oahpaheaddjin bargat vai ovdána. Nu lohká Jens Martn Mienna oahpaheaddjirolla birra.

Podcast ilbmá juohke nuppi duorastaga ja ráidu lea gávdnamis Spotify, Podme ja Apple Podcast rávdnjenbálvalusain.

Lea Ellen Oddveig Hætta Gaup gii láidesta maiddái dán vuoro, ja Forest People lea buvttádan ráiddu Sámi allaskuvlla ovddas.