Ođđasat
- Vuosttaš mastergráda sámi girjjálašvuođas Sámi allaskuvlla iežas masterprográmma bokte
- Váldde sámi mánáidgárdeoahpaheaddje-oahpu seammás go barggat
- Bagadallanpedagogihkka 1 álggahuvvo giđđat 2015
- Lullisámegiela álgooahppu 1
- Historjjálaš govvačoakkáldat skeŋkejuvvo Sámi allaskuvlii
- Vuolgge mátkkoštit seammásgo dinet
- Sámi dieđalaš áigečállaga artihkaláigemearri 28.2
- Oahppoofelaš 2015-2016
- Leif Rantala muitun
borgemánu 11. beaivi 2015
Sámi allaskuvlla duodjemasterat eksámenčájáhus
Duodjemasterstudeanttaid eksámenčájáhus
Lea vuosttaš geardde ahte Sámi allaskuvla čađaha loahppaeksámena iežas hábmejuvvon duodjemasterprográmmain.
Ovdal lea Sámi allaskuvla bargan ovttas Oslo allaskuvllain go lea čađahan masteroahpu duojis, muhto 2011 dohkkehii NOKUT Sámi allaskuvlla duodjemasterprográmma ja 2012 álggahuvvui oahppu.
Dál váldet 4 masterkandidáhta loahppaeksámena duojis. Sii leat Maaret Magga, Heidi Gaup, Ann Majbritt Eriksen ja Katarina Spiik Skum.
Loahppaeksámen lea juhkkojuvvon guovtti oassái.
Borgemánu 17. beaivvi dii 1800 rahppo masterčájáhus Sámi allaskuvllas.
Das čájehit studeanttat sin duddjonbohtosiid sin masterfáttás ja čuolmmain.
Borgemánu 20 beaivvi de ákkastallet ja bealuštit studeantta njálmmálaččat iežaset masterbarggu.