Sáhkaskáiddis nuorat ja juoigečeahpit
september 26. beaivi 2017

Dutkanbeaivvit 2017

Sámi allaskuvla lágida dál čakčat dutkanbeivviid moatti báikkis ja dán jagi lea fáddán Sámi árvvut.  

Mii lágidat káffebottožiid gos leat logaldallamat. Norggas našunála dásis de lea dán jagi dutkanbeivviid fáddán Árvvut. Sámi servodagas leat árvvut dehálaččat ja dán vuohttá bures min dutkansurggiiguin. Ii das galle, muhto árvvut maid speadjalastet min eallima ja bargguid.

 

SÁMI ÁRVVUT KAFEA GUOVDAGEAINNUS:

Sámi árvvut kafea I

26.9.2017 Diehtosiidda Kantiinas
Diibmu 18:00 – 21:00.
Nuvttá biđus, gáffe, deadja ja gáhkut
Láidesteaddji: Liv Østmo
Gulahallanolmmoš: Liv Inger Somby

Rektor Gunvor Guttorm rahppá doaluid.

Logaldallit

  • Torunn Pettersen, dutki

Naba gávpotsámiid politihkka? Geográfalaš máŋggabealatvuohta árvun sámi válgaprográmmain
Enn bysamepolitikk? Geografisk mangfold som verdi i samiske valgprogram

  • Liv Inger Somby, allaskuvlalektor

Manne lea sápmelaččaid eallima dehálaš dokumenteret?

  • Ánte-Mihkkal Gaup, 1.lektor.
    Luohtečeahpit Bojen-Ánte - Anders Mathisen Skum, Joret-Máret – Marit Gaup Eira ja Issát Máhte Inga Biret Márjá – Inga Biret Márjá Triumf 

Juoigama árvvut luondduin gulahallamis.

 

Sámi árvvut kafea II

28.9.2017 Diehtosiidda Kantiinas
Diibmu 18:00 – 21:00.
Nuvttá biđus, gáffe, deadja ja gáhkut
Láidesteaddji ja gulahallanolmmoš: Vuokko Hirvonen

Logaldallit

  • Outi Guttorm, allaskuvlalektor

Dát- ja diet-pronomeniid geavaheapmi ságastallamis

  • Berit-Ellen Juuso

Sámemánáid čállin- ja lohkanoahppama čuolmmat ja intervenšuvnnat

  • Siri Nystø Rahka, doavttergrádastudeanta

Låhkåmåhpadus julevsámegiellaj

  • Annukka Hirvasvuopio-Laiti, doavttergrádastudeanta

Sámi árvvut Deatnogátte Nuorat -joavkku musihkas

  • Susanne Vars Buljo, doavttergrádastudeanta

Gártaduvvon vuoigatvuođat Finnmárkkuopmodaga eatnamis ja daid identifiseren ja dohkkejupmi.
Sáhkavuoru maŋŋá almmuhuvvo su dutkamuša vuođul čállon ”Dieđut”-girji.

 

Ikte 25.9.2017 leai Sámi árvvut kafea Sajosis, Anáris

Logaldallit leddjet:

  • Journalista ja badjeolmmoš Aslak Antti Paltto

Almmuha vuosttaš geardde iežas mastergrádačállosa man gohčoda “The Role of the Mass Media in Conflicts, Sámi reindeer herders balancing between traditional law and state law in a predator dispute against officials in Finland” – mas son gieđahallá boazodoalliid jávohisvuođa boraspire áššiin ja mo mediat gokčet dáid ođđaiisiid.

  • Vuosttašamanuensa Inker-Anni Linkola

Logaldallá Joatkkaskuvllanuoraid jurdagat sámegiela árvvus.   Dutkan lea dahkon Guovdageainnus áigodagas 2009- 2013.

  • Allaskuvlalektor Liv Inger Somby

Manne lea sápmelaččaid eallima dehálaš dokumenteret? Liv Inger lea jearahallan 27 vuoras nissonolbmo sin eallimiid birra ja dát muitalusat leat vurkejuvvon 20 jagi ovdalgo dál almmuhuvvojedje.

Kontakt

Sámi allaskuvla / Sámi University of Applied Sciences

Hánnoluohkká 45
NO-9520 Guovdageaidnu
Tel:+47 78 44 84 00
E-poastta/e-mail: postmottak@samas.no
Org.nr: 971 519 363

Kontaktinformasjon ansatte

Faktura til Samisk høyskole

Reiseregning og honorarkrav

Personvernerklæring

Tilgjengelighetserklæring

© Sámi University of Applied Sciences

Developed by: Ramsalt