Det første kullet ved samisk sykepleierutdanning i UiT Norges arktiske universitet fullfører studiet høsten 2024, og avslutningsseremonien holdes i Diehtosiida, Sáhkaskáidi tirsdag 26.11 kl 12.00-14.00.
Rabasbeaivi
28. februar, 10:00 til 14:00
Rabasbeaivi 2023
Háliidivččet go diehtit makkár oahppofálaldagat Sámi allaskuvllas leat?
Guovvamánu 28. b. lágidit Rabasbeaivvi Sámi allaskuvllas, Guovdageainnus gaskal dii. 10:00 - 14:00. Dalle lea buorre vejolašvuohta oahpásmuvvat min oahppofálaldagaide ja muđui maid allaskuvlla birrasii. Mii sávvat buohkaide bures boahtima min Rabasbeaivái!
Vuosttaš oassi prográmmas čađahuvvo Sáhkaskáiddis (Diehtosiidda auditorias), gos earret eará leat logaldallamat čavčča oahppofálaldagaid birra. Nuppi oasis, maŋŋel oktasaš lunša, galget oasseváldit joavkkuid mielde fitnat iešguđet bargobájiin Diehtosiiddas. Juohkehaš gii čađaha bargobáji lea mielde vuorbádeamis AidPods Pro, maid juohkit loahpas beaivvi.
Logalldallan - Fred Buljo
Fred-René Øvergård Buljo, dahje Fred Buljo, lea Guovdageainnus eret. Fred Buljo lea dovddus sámi musihkar, rappár, juoigi ja produseanta. Son lea dovddus earret eará ráp – joavkkus Duolva Duottar ja KEiiNO joavkkus, geat jagis 2019 vuite Norgga Melodi Grand Prix šuoŋain Spirit in the Sky. Fred Buljo lea maiddái oahppan mánáidgárdeoahpaheaddji mas lea musihkkačiekŋudeapmi OsloMet universitehtas. Son lea olu jagiid bargan mánáidgárdeoahpaheaddjin ja hárjehallanoahpaheaddjin sámi mánáidgárddis Oslos.
Son áigu ge rabasbeaivvi muitalit earret eará manne son válljii mánáidgárdeoahpaheaddjeoahpu. Šaddá hui gelddolaš!
