SÁM 241 - Láidehus sámi báikenammadutkamii

Praktihkalaš dieđut

• Oahppokoda: SÁM 241
• 10 oahppočuoggá
• Oahpu lágideapmi: Ohppui gullet logaldallamat, seminárat, hárjehusat ja studeanttaid barggut. Oahpahus sáhttá lágiduvvot sihke luohkkálatnja- ja neahttaoahpahussan.
• Oahppoplána
• Diibmoplána ja deaivvadanplána: TimeEdit 
• Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no

Oahpu sisdoallu

Gurssas guorahallojuvvojit čuovvovaš nammafágalaš vuođđodieđut erenoamážit gielladieđalaš geahččanguovllus:

• sámi báikenammafága historjá ja dálá dilli;
• sámi báikenammafága sajádat sihke Davviriikkaid nammadutkanárbevierus ja eamiálbmogiid fágaárbevierus;
• báikenammadutkama gielladieđalaš vuođđometodihkka;
• nammafágalaš metodihka ja ráhkaduslaš analysa heiveheapmi erenoamážit sámi báikenammadutkamii;
• sámi guovlluid guovtte- ja máŋggagielat nammaráju lonenvuogit ja kontáktaonomastihka vuođđoprinsihpat;
• nammagáhtten ja sámi báikenamaid standardiseren.

Oahppoprográmma gullevašvuohta
Gursa gullá Sámegiela ja sámi girjjálašvuođa bachelorprográmma giellasuorggi doarjjafágaide.

Oahpahusgiella
Davvisámegiella lea váldooahpahusgiellan. Eará sámegielat ja suoma-, ruoŧa-, dáro- ja eaŋgalsgiella sáhttet adnojuvvot omd. guosselogaldallamiin.

Oahpahan - ja oahppanvuogit
Logaldallamat, hárjehusat, studeanttaid čálalaš barggut ja seminárat.

Eksámen
2-vahkosaš čálalaš ruovttubargu báikenammametodihkkii guoskevaš fáttás. Čállosa guhkkodat lea 10–13 siiddu. Árvvoštallan: Árvosátni A–F.