Studeantaáittardeaddji Diehtosiiddas

Sámi allaskuvlla studeantaáittardeaddji Torill Varberg lea Diehtosiiddas distaga 18.02 ja gaskavahku 19.02. Son lea gávdnamis Askkádagas (latnjá oahppohálddahusa vuosttáiváldima bálddas).

Jus háliidat ságastallat njuolggadusaid, ášši dahje dáhpáhusa, hástalusaid dahje eará váttisvuođaid birra oahppoárgabeaivvis, de fina áinnas su ságain. Geavat dán liibba hupmat studeantaáittardeddjiin geas lea čavga jávohisgeatnegasvuohta ja gii gieđahallá buot áššiid luhtolašvuođain - mii mielddisbuktá ahte ii oktage Sámi allaskuvllas oaččo makkárge dieđuid áittardeaddjis.

Gaskavahku 19.02.25 dii 10.00-11.00 doallá studeantaáittardeaddji logaldallama Njárggádagas studeanttaide studeantavuoigatvuođaid ja geatnegasvuođaid birra, ja guoskkaha maiddái rievdadusaid ođđa universitehta- ja allaskuvlalágas. 

Dán sáhtát nai čuovvut streamas dán liŋkka bokte: https://samas.zoom.us/j/64102661929. Ovdanbuktin dollojuvvo dárogillii ja dulkojuvvo sámegillii.

Studeantaáittardeaddji doaimma birra eanet dáppe: Studeantaáittardeaddji | Sámi allaskuvla (samas.no)

Su oktavuođadieđut: studentombudet@uit.no / tlf: +47 97713040 / +47 77644646.