Oahppolihttu – Utdanningsforbundet

Oahppolihttu Utdanningsforbundet sin logotype.

Oahppolihttu lea iežas badjel 159 000 miellahtuin Norgga stuorámus fágaorganisašuvdna pedagogaid várás, ja maid Norgga nubbin stuorámus fágasearvi.

Min miellahtut leat mánáidgárddiid, skuvllaid ja rávisolbmuidoahpahusa oahpaheaddjit ja jođiheaddjit, oahpaheaddjestudeanttat, dahje barget oahpaheaddjeoahppoásahusain ja pedagogalaš doarjjavuogádagain.

Iskka deavddát go unnimusat ovtta Oahppolihtu miellahttoeavttuin ja dieđit miellahttun.

Oahppolihttu bargá miellahtuid ovddas go bálká- ja bargoeavttut galget sihkkarastojuvvot, sihke bargosajis, UA-suorggis ja riikkadásis. Go leat miellahttun, de oaččut buoret mieldemearrideami – ja buoret vejolašvuođa váikkuhit iežat bargodillái luohttámušolbmuid bokte.

Oahppolihtu miellahttun oaččut maid veahki ja rávvagiid áššiin mat gusket du virgái, dárbbu mielde maid juristaveahki. Luohttámušolbmot leat gergosat du veahkehit nuvttá sihke bargosajis, fylkkadásis ja maid guovddášorganisašuvnnas.

Oahppolihttu fállá maid eará buriid miellahttofálaldagaid, degomat Utdanning-bláđi, iešguđetlágan nuvttá áigečállagiid, ja iešguđetlágan dáhkádusaid hálbbibui.

10 buori ákka manne gánnáha leat miellahttun (dárogillii)

Sámi allaskuvllas lea Karen Inga Eira Oahppolihtu bargosaji luohttámušolmmoš ja lea mielde OVR:s (Hálddahuslaš ja teknihkalaš virggiid oktasaš virgáibidjanráđđi) ja DRŠ:s (Diehtojuohkin-, ráđđádallan- ja šiehtadallanlávdegoddi). Son searvá maid eará ráđiide, lávdegottiide, ja forumiidda gos fágasearvvit ovddastit bargiid mieldeváikkuhanrievtti olis.

Sámi allaskuvlla bargosajis dollojit moddii lohkanbajis miellahttočoahkkimat, ja maid eambbo dárbbu mielde.  

Karen Ingga kontuvra lea rukses viesus, Lohkanguovddážis. Sáhtát fitnat su ságain kontuvrras, čálistit eboastta dahje riŋgestit 78 44 84 25

Guovdageainnu báikkálaš searvi bargá aktiivvalaččat suohkana bargosajiid oktasaš áššiid ovddidit, ja  gohčču maid duos dás ain miellahttočoahkkimiidda gos áigeguovdilis áššit váldojit ovdan.

Finnmárkku Oahppolihtu fylkkasearvi lea fylkkadási orgána mii čalmmustahttá fágasearvvi oainnuid iešguđet forumiin. Sámi pedagogain lea maid fylkkadási fierpmádat, váldde oktavuođa iežat luohttámušolbmuin jus háliidat eambbo diehtit dán birra.

Oahppolihtus lea sierra Sámi ossodat mii erenoamážit bargá sámi oahpahussii gullevaš áššiiguin. Finnmárkkus leat guokte áirasa doppe.