UiT Norgga árktalaš universitehta sámi buohccedivššároahpu vuosttaš studeantajoavku geargá oahpuin 2024 čavčča, ja loahpahandoalut leat Diehtosiidda, Sáhkaskáiddis disdaga 26.11 dii 12.00-14.00.
Seminára
22. cuoŋománu, 09:00 - 14:00
Anton Hoëm muitoseminára
Sámi allaskuvla lágida Anton Hoëm muitoseminára gaskavahku cuoŋománu 22. beaivvi dii. 9-14.
Dál lea jo gollan badjelaš jahki dan rájes go Anton jámii ja mis lea dárbu su muittašit ja ávvudit. Anton Hoëm doaimmai Sámi allaskuvlla ásahusa bagadallin moaddelot jagi. Son lei riegádan ja bajásšaddan Várjjagis Stuoravuonas ja lei mánnán oahppan dovdat sámegiela ja sámi kultuvrra. Vaikko leige Oslo universitehtas professorin ja jođihanvirggiin, de son asttai maid veahkehit ja doarjut Sámi allaskuvlla jođiheddjiid ja bargiid áiggiid čađa. Sus lei hui stuora áddejupmi dasa ahte sámit ieža galget hukset iežaset ásahusaid ja doalahit ja ovdánahttit sámi dieđu, giela ja kultuvrra. Mii muittašit su dál ja háliidit bovdet bargiid, studeanttaid ja eará berošteddjiid searvat muitoseminárii!
