Čavčča deaivvadanplána ja diibmoplána

Jus leat ohcan oahpposaji čakčii, de sáhtát dál jo geahččat čavčča diibmoplána ja deaivvadanplána TimeEditas. TimeEdit lea Sámi allaskuvlla diibmoplánavuogádat mii lea gávdnamis timeedit.net neahttasiiddus. Prográmma lea sihke dáro-, suoma, ja – eaŋgalasgillii.

Ná ozat TimeEditas

1. Vállje TE Viewer & TE Plan
    
2. Oza Sámi allaskuvla “Finn din organisasjon” vuolde
    
3. Vállje Se timeplaner
    
4. Vállje makkár gillii háliidat geavahit diibmoplánareaiddu (Sámegillii, suomagillii dahje eaŋgalasgillii)
    
5. Jus háliidat geahččat dihto oahppoovttadaga diibmoplána, de ozat Emne vuolde.
    
6. Jus háliidat geahččat dihto prográmmaoahpu diibmoplána, de ozat Kull vuolde.
    

Jus lea hástaleaddji ohcat ja gávdnat rievttes oahpu diibmoplána, de lea maiddái vejolaš deaddilit njuolggoliŋka rievttes diibmo - ja deaivvadanplánii min ruovttusiiddus dihto oahpu vuolde.