Dáhpáhusat:

Utstilling
04. golggotmánu, 12:00 - 03. skábmamánu, 13:30

AIDA- prošeakta čájáhusain Árjjepluovis

AIDA (Arctic Indigenous Design Archives) prošeavtta dieđalaš veahkki guoktás, Laila Susanna Kuhmunenas ja Berit Kristine Guvsámis, lea čájáhusrahpan Solvermuseetas golggotmánu 4. beaivvi.

Rabas dutkanseminára
29. golggotmánu, 10:00 - 15:45

Mánáid giella ja jurddašeapmi II

Sámi allaskuvlla dutkanprošeavtta Epistemalaš modalitehta mánáid ehtalaš ja morálalaš árvvoštallamis loahpahanseminára Mánáid giella ja jurddašeapmi II lágiduvvo Romssas 29.10.2021.

Atte dieđu jus háliidat čuovvut seminára interneahtas!

konferánsa
24. skábmamánu, 11:30 - 25. skábmamánu, 13:30

Sámi mánáidgárdekonferánsa 2021

Sámi lohkanguovddáš, Sámi allaskuvla ja UiT Norgga árktalaš universitehta lágidit ovttas Tromssa ja Finnmárkku stáhtahálddašeddjiin Sámi mánáidgárdekonferánssa Diehtosiiddas Guovdageainnus 24.11.-25.11.2021.

Rabasbeaivi
01. njukčamánu, 09:00 - 14:00

Rabasbeaivi 2022

Sámi allaskuvla lágida rabasbeaivvi Diehtosiiddas njukčamánu 1. beaivvi.

Symposia
22. čakčamánu, 08:00 - 23. čakčamánu, 16:00

Sámegiela ja girjjálašvuođa symposia

Sámegiela ja sámi girjjálašvuođa lágidanjoavku lea ovttasráđiid Sámi allaskuvllain mearridan ahte symposia lágiduvvo čakčamánu 22. ja 23. b. 2021 Sámi allaskuvllas Guovdageainnus. 

Jagi 2021 symposia lea hybridaseminára ja dasa lea vejolaš searvat maiddái gáiddusoktavuođa bokte.Eanet dieđut ja dieđihanáigemearit almmuhuvvojit maŋŋelis. 

22. beaivvi ja 23. b. čakčamánus 2021

Sámi allaskuvla, Oulu universitehta Giellagas-instituhtta, Ubmi universitehta ja UiT Norgga árktalaš universitehta lágidit Sámegiela ja sámi girjjálašvuođa dutkan- ja bagadallansymposia Sámi allaskuvllas Guovdageainnus 22.-23.9.2021.

Oktasaš sámesymposiat leat lágiduvvon jagi 1993 rájes, ja daid ulbmilin leamaš álggu rájes čohkket sámegiela ja sámi girjjálašvuođa dutkiid ja doavttirgráda- ja masterstudeanttaid iešguđege guovlluin. Mii bovdet buot sámegiela ja sámi girjjálašvuođa dutkiid ja studeanttaid searvat symposiai.

  • Symposijumen barkoegïelh leah gaajhkh saemiengïelh. Buerie båateme!
  • Symposian bargguogielah leäh gájkah sámiengielah. Buerestbåhtieme!
  • Symposiuma barggogiela le divna sámegiela. Buoris boahtem!
  • Symposia bargogielat leat buot sámegielat. Bures boahtin!
  • Symposium pargokielah láá puoh sämikielah. Tiervâpuáttim!
  • Symposiuum tuejjǩiõl liâ puk sää´mǩiõl. Pue´tted tiõrvân!
  • Симпозиум лыххкэм кӣл ле̄в пугк са̄мь кӣл. Пуэдтӭ тӣррвэнҍ!

Symposia bovdejuvvon logaldallit: Almmuhuvvojit maŋŋelis

DIEĐIHEAPMI 

Jus háliidat searvat Sámegiela ja girjjálašvuođa symposiai, de sáddet e-boastta sagi2021@samas.no

Muital dieđiheamis áiggutgo searvat symposiai báiki alde Diehtosiiddas vai gáiddusoktavuođa bokte. Jus searvvat symposiai báiki alde, muital maid vejolaš biebmoallergiijaid birra.

Dieđihanáigemearri: bearjadaga 03.09.2021

Lassedieđut: Hanna Mattila hannam@samas.no

EARÁ DIEĐUT

Prográmma gávnnat dáppe ja dieđuid bovdejuvvon logaldalliid birra gávnnat dáppe