Ođđasat
- Ohcat ođđa ofelaččaid
- Prográmmaoahput 2025 čavčča
- Máilmmi buorre ođas go Sámediggi vuoruha oahpaheaddjeoahpuid
- Háliidat go bargat dulkan dahje váldit dulkaoahpu, muhto it leat váldán Guovttegielatiskkadeami?
- Duodjetekstiillat Heahtá girkus
- Oahppu ii deatte nubbi oassi
- Bovdehus sáddet evttohusaid Dieđut-doaimmahusgoddái
- Sámi mánáidgárdepedagogihkka ođđa áiggis: loahpparaporta almmuhuvvon
- Sámi allaskuvlla dutkanbiras lea ražastan searaid oktii

Stáhta stivren ja árbevirolaš ekologalaš máhttu boazodoallohálddašeamis
Boazodoalu árbevirolaš ekologalaš máhttu ja hálddašanvuogit unnán váldojuvvojit mielde iešguđetge stivrenproseassaide mat váikkuhit boazoealáhussii.
PhD kandidáhtta Ellen Inga Turi bealuštii miessemánu 20. beaivvi iežas doavttirgráda “Stáhta stivren ja árbevirolaš ekologalaš máhttu boazodoallohálddašeamis” Ubmi universitehtas. Vásttosteaddji lei professor Dietrich Soyez geografi instituttas Kølna Universitehtas, Duiskas. Dutkkus lea oassin IPY EALÁT dutkanprošeavttas. Sámi Allaskuvla ja UArctic EALÁT Instituhtta Riikkaidgaskasaš boazodoalloguovddážis Guovdageainnus leaba koordineren dán prošeavtta. Seastinbáŋkku 1 Davvi- Norgga dutkanfoanda, Boazodoalu ovdánahttinfoanda, davviriikkaid ministerráđđi ja Norgga dutkanráđđi leat ruhtadan dán barggu.
Dutkos lea guorahallan sámi boazodoalu Oarje-Finnmárkkus, Davvi Norggas, ja nenetsa boazodoallu Jamalnjárggas, Oarje-Sibiras. Dát leat stuorámus boazodoalloguovllut máilmmis, sihke olbmuid ja ealuid dáfus. Dain guovlluin leat ovttaláganvuođat, muhto maid nuppe dáfus stuora erohusat, nugo erohusat politihkalaš organiseremis ja stivrenvuogádagain.
Ellen Inga Turi bohtosat čájehit ahte váikko eiseválddit iežaset gulaskuddanproseassain dávjá váldet fárrui boazodoalu iežas organiserenovttadagaid, nugo siidda, de aŋkke eai ane boazodoalu árbevirolaš máhtu vuođđun mearrádusaide dahje stivrejupmái. Čilgehussan dasa lea go stivrenprinsihpat leat formaliserejuvvon dainna lágiin ahte ii leat sadji eará máhttovuogádagaide go oarjemáilmmi dutkanmáhttui, ja iige leat sadji eará organiserenvugiide go hierárkkalaš dahje eanetlogu stivremii.
Boazodoalloealáhusa hálddašeapmái dárbbašuvvo ollislaš strategiija dasa movt árbevirolaš máhtu galgá oažžut vuođđun stivrenproseassaide danne go ii leat doarvái dušše atnit mielhálddašeami ja dábálaš gulaskuddanproseassaid.
Oktavuođadieđut
Ellen Inga Turi, tlf. +4740746996