Studeantastivra

Oahppojahkái 2017/18  

Studeantastivrras leat vihtta lahttu ja golbma várrelahttu. Studeantastivra lea Sámi allaskuvlla studeanttaid bajimus orgána, ja das lea váikkuhanvejolašvuohta buot áššiide mat gullet allaskuvlla studeanttaide.
 

Áigodat: Ovtta oahppojagi ovddas.   Válljejuvvon studeanttaid rabasčoahkkimis 10.10.17.

  1. Elena Skum, jođiheaddji
  2. Elle Helene Siri, nubbinjođiheaddji/ rehketdoalli
  3. Inger Helene Anti Eira
  4. Anna M. B. Hætta                 
  5. Kirsti Monica Eira

Oassi studeantastivrras 2017.

Oassi studeantastivrras 2017.
Inger Anne Siri Triumf govven.

Govas: Elena Skum, studeantastivrra jođiheaddji, Elle Helene Siri, nubbinjođiheaddji/ rehketdoalli ja Kirsti Monica Eira, stivralahttu. 
   

Várrelahtut:  

  • Mikkel Rasmus Logje
  • Inger Marie Nilut
  • Berit Marie Utsi

Eai leat persovnnalaš várrelahtut. Studeantastivra ieš konstituere studeantastivrra ja vállje jođiheaddji. 

http://www.siif.no/index.php?c=53&kat=Studeantta+stivra

Čális e-boastta: studeantastivra@gmail.com

Studeantastivra bargá studeanttaid ovddas fágalaš áššiiguin, ja galgá nannet ja buoridit  studeanttaid oahppo- ja sosiálalašbirrasa.

Studeantastivra lágida iešguđetgelágan sosiálalaš doaluid ja asttoáiggefálaldagaid. Ovttas SSO stivrrain galgá stivra ráhkadit buori oahppobirrasa ja bargat dan nala ahte šaddá buorre oahppobáikkis (Universitehta ja allaskuvlaláhka, U/A, § 4-3).

Studeantastivra ovddida studeanttaid oainnuid ja beroštumiid Sámi allaskuvlla stivrii ja eará lávdegottiide. Stivra lea gulaskuddanorgána buot áššiide mat gusket studeanttaide (U/A §4-1).

Studeantastivrra jođiheaddjis leat mánnosaš čoahkkimat rektoriin ja dekánain. Muđui lea Studeantastivrras lagas ovttasbargu luohttámušolbmuiguin.

Sámi allaskuvlla lávdegottit ja luohttámušolbmot

Universitehta ja allaskuvlla láhka čilge ahte allaskuvlla lávdegottiin main lea mearridanváldi galget studeanttain leat unnimus 20% miellahtu (U/A § 4-4). Studeanttat leat čuvvovaš stivrrain ja lávdegottiin fárus:

  • Sámi allaskuvlla stivra
  • Dohkálašvuođa lávdegoddi
  • Fágavirggehasaid virgáibidjan lávdegoddi
  • Oahppobiraslávdegoddi
  • Oahppolávdegoddi
  • Sisaváldinlávdegoddi
  • SSO stivra
  • Váiddálávdegoddi

Sámi allaskuvla stivra
Sámi allaskuvlla stivrras galget leat guokte studeantaáirasa oktan várrelahtuiguin (U/A § 9-3). Studeantaáirasat válljejuvvojit ovtta jahkái ain hávális.

Stivra mearrida earret eará strategiijaid oahpahus-, dutkan-, ja eará fágalaš ovdáneami daid ulbmiliiid ektui mat leat bidjon suorgái ja ásahussii (U/A § 9-2). Eará áššit maid meannudit leat omd. skuvlla doaibma ja ekonomiija.

Dohkálašvuođa lávdegoddi
Guokte studeantaáirasa oktan várrelahtuiguin. Lávdegoddi lea áššemeannudeaddji jus šaddá dakkár dilli ahte ovttage studeanta dohkálašvuohta eahpiduvvo.

Fágavirggehasaid virgáibidjanlávdegoddi
Okta studeantaáirras oktan várrelahtuin. Virgáibidjá fágabargiid.

Oahppobiraslávdegoddi
2 studeantaáirasa oktan várrelahtuiguin. Plánet doaimmaid oahppobirrasa ektui, dárkkistit studeanttaid sihkkarvuoða ja čálggu (velferd). Ja galgá dovdat bargobirasáššiid.

Sisaváldinlávdegoddi
Okta studeantaáirras oktan várrelahtuin. Mearrida beassá go studeantta ohppui masa lea ohcan.

SSO stivra
Njealje studeantaáirasa oktan várrelahtuiguin. Galgá gozihit studeanttaid čálgodárbbuid oahpposajis: kantiidna, mánáidgárdi, viessoláigoheapmi, valáštallanfálaldagaid ja sosiálalaš- ja kulturfálaldagaid.

Váiddalávdegoddi
Guokte studeantaáirsa oktan várrelahtuiguin. Mearrida váidagiid ja áššiid mat gusket studeanttaid hilgumii, praktihkkalaš eksámenlágideapmái ja vearridagut eksámeniid oktavuođas.

Luohttámušolmmoš
Juohke luohkká vállje luohttámušolbmo. Luohttámušolmmoš ovddida áššiid luohká ovddas, ja lea son gii luohká ovddas gulahallá oahppohálddahusain dahje oahpaheaddjeteamaiguin. Luohttámušolbmo ovddasvástadus lea doallat oktavuođa studeantastivrrain ja doallat luohkkáčoahkkimiid. Fágalaš čuolmmaid sáhttá oahpaheaddjeteama dahje oahppohálddahus čoavdit.

Jus leat eará áššit, de sáhttá studeantastivra veahkkehit.

Sámi allaskuvlla studeantastivrra njuolggadusat
Filesize: 61 KB