BA - Sierra kursa

SÁM 105 Sámi girjjálaš muitalanárbi ja dan oktavuohta teáhterii ja filbmii

 

Oahpu sisdoallu
Studeanta oahpásmuvvá sámi muittašangirjjálašvuhtii, historjá-biográfalaš girjjálašvuođa ja vuostáiváldima dutkamii. Studeanta suokkarda, mainna lágiin girjjálašvuohta, teáhter ja filbma sáhttet leat čatnagasas nuppiidasaset.

Oahppoprográmma gullevašvuohta
Sámegiela ja sámi girjjálašvuođa bachelorprográmma.

Oahpahusgiella
Davvisámegiella. Studeanta ferte maiddái máhttit lohkat eaŋgalasgielat fágagirjjálašvuođa.

Oahpahan - ja oahppanvuogit
Oahppanvuohkin leat logaldallamat, digitála luohkkálatnjaoahpahus, filmmaid geahččan ja daid árvvoštallan ja teáhtergalledeamit. Áigeguovdilis sámi čájálmasteavsttaid ja filbmamánusa analyseren ja dulkon ja /dahje čájálmashárjehusaid ja/dahje filbmemiid čuovvun ja vejolašvuođaid mielde gárvves čájálmasaid/filmmaid árvvoštallan. Oahppu vuođđuduvvá proseassaide ja studeanttaid ovttasbargui. Danne gáibiduvvo aktiivvalaš oassálastin logaldallamiidda ja hárjehusaide.

Gáibadusat beassat eksámenii
Studeanta guorahallá iežas oahppanproseassa miehtá oahpu ja čállá dan vuođul oahppanbeaivegirjji, man sisdoallu lea oahppanbeaivegirjji čálalaš plána ja guorahallama fáttá čilgehus.
Čuovvovaš bargogáibádusat galget leat dohkkehuvvon ovdal go studeanta beassá eksámenii:

1. Ráhkadit oahppanbeaivegirjji plána mas čilge válljejuvvon čiekŋudanfáttá, ja oahppanbeavdegirjji ráhkadusa ja sisdoalu.
2. Ovdanbuktit oahppanbeavdegirjji guorahallama fágaoahpaheddjiide ja studeantajovkui geat kommenterejit plána ja buktet rávvagiid.

Eksámen
Oktagaslaš ruovttueksámen mas studeanta čállá 8–10-siidosaš oahppanbeaivegirjji esseija hámis, mas studeanta guorahallá válljejuvvon fátta, iežas fágalaš máhtu ja oahppanproseassa. Oahppanbeaivegirji galgá leat gárvvis guokte vahku maŋŋá, go oahpahus nohká.
Čállosis árvvoštallojuvvojit fágalaš čehppodat, čálalaš giellageavaheapmi ja čehppodat hábmet čálalaš barggu.

Eksámen árvvoštallojuvvo bustávvaárvosániin (A-F).

Filesize: 214 KB
Filesize: 205 KB

Sisabeassangáibádusat

  • Dábálaš sisabeassangáibádusat alitoahpahussii ja sámegielmáhttu. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje realagelbbolašvuohta. Oppalaš lohkangelbbolašvuođa gáibádusat olgoriikka ohcciide bohtet ovdan NOKUTa GSU-listtus.
  • Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellanja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.
  • Dasa lassin studeanta galgá leat čađahan SÁM 106 Sámi girjjálašvuohta (10 oč) dahje SÁM 111 Sámi girjjálašvuođa vuođđokursa (10 oč) dahje vástideaddji oahpu.

FUOMÁŠ: Dehálaš áigemearit

Koordinator

maibu's picture
Utsi, Mai Britt
Phone: 
Mobile: 
E-mail: 
maibu@samas.no