Ođđasat
- Rabas oahpposajit vuođđoskuvlaoahpaheaddjeoahpus- oza ovdal 01.09.24!
- Oahput maidda sáhttá ohcat 01.09.24 rádjai
- Orrut, boradit ja mánáid fuoláhit go leat studeanta
- Sisabeassangáibádusat oahpaheaddjeoahpuide leat ložžejuvvon
- It leat vel ohcan oahpposaji čakčii? Mii leat guhkidan ohcanáigemeari!
- Guhtta ođđa sámi ofelačča
- Áiggošit go lonuhit vuoruheami oahpposaji ohcamis?
- Oahppojagi loahpaheapmi
- IndigMEC2 konferánsii lea dieđiheapmi rabas
![](https://samas.no/sites/default/files/styles/hovedbilde/public/field/image/allaskuvla-web-liten-foto_anne_katja_gaup-9.jpg?itok=L53oCZdK)
It leat vel ohcan oahpposaji čakčii? Mis leat rabas oahpposajit!
Muittuhit ahte lea áin vejolaš ohcat oahpposaji Sámi allaskuvlii 2021/2022 oahppojahkái rabas sisaváldima bokte.
Oahpuide maidda sáhtát ohcat suoidnemánu 1. beaivvi rádjai leat čuovvovaččat:
Guhkit áiggi oahppoprográmmat (30 oahppočuoggá):
Oahppoovttadagat - oanehit áiggi fágat:
- Knowledge of Indigenous Cultural Expressions and Arts
- Ođasjournalistihkka 1
- Sámi kultur- ja servodatdiehtu 1
- Davvisámegiela morfologiija ja cealkkaoahppa
- Davvisámi fonetihkka, fonologiija ja čállinvuogit
- Sámi girjjálašvuođa vuođđokursa
- Teorehtalaš lahkoneamit árbevirolaš máhttui ja dan dokumenteren-ja gaskkustanmetodat
- Samisk språkdidaktik med fokus på muntlig tradition och grunläggande färdigheter
- Nordsamisk i praktisk læringssituasjon - innføringsstudium 2. del / SÁM Davvisámegiella praktihkalaš dilis - álgooahppu 2. oassi
Joatkkaoahput oahpaheddjiide:
- Matematihkka 2 joatkkaoahppun 5-10 ceahki vuođđoskuvlaoahpaheddjiide
- Servodatfága 2 joatkkaoahppun 5-10 ceahki vuođđoskuvlaoahpaheddjiide
- Oahpaheaddji digitála gelbbolašvuohta ja gáiddusoahpahusa čađaheapmi
Ohcanvuogádat: Báikkálaš ohcanvuogádat/Søknadsweb
Ohcanáigemearri 01.07.21.
Muitte laktit duođaštusa ahte deavddát sisabeassangáibádusaid nu jođánit go vejolaš maŋŋel go ohcan lea registrerejuvvon.
Norgga Sámedikkis lea sierra stipeandaortnet sidjiide geat váldet oahpaheaddjeoahpuid dahje oahpaheddjiide geat váldet lassi oahpu sámegielas - loga eambbo stipeanddaid birra Sámedikki neahttasiiddus.
Jus dus leat jearaldagat oahpuid dahje ohcanvuogádaga birra, de váldde áinnas oktavuođa oahppohálddahusain, e-poasta: oahppohalddahus@samas.no dahje telefuvnna bokte 78 44 84 00.
Covid -19: Dieđut koronadilálašvuođa birra mat gusket oahpuid álgimii/čađaheapmái čakčalohkanbajis, bohtet dađistaga. Sámi allaskuvllas lea vejolaš čađahit oahpuid digitála oahpahussan.