Álggahanvahkku

Mánnodat, 23.08.21

Bures boahtin ja diehtojuohkin 
Dii 09.00-11.00, Sáhkaskáiddis 
Rektor sávvá bures boahtima. Oahppohálddahus, Guovdageainnu suohkan ja Sis-Finnmárkku studeanttaid ovttastus doallá diehtojuohkima studeanttaide. Dása gánnáha searvat go leat ollu praktihkalaš dieđut mat bohtet ávkin maŋŋel. Sáhtát maiddái searvat ZOOM neahttaoktavuođa bokte. Liŋkka álmmuhuvvo deike ovdalaš doaluid.

Oahpásnuva campusiin 
Dii. 11.00-11.30, Diehtosiiddas 

Das lea vejolašvuohta oažžut oahpisteami Diehtosiidda vistái dii. 11.00.   

Oahpásnuvvanlunša 

11.30-12.00, Kantiinnas 

Studeanttaide guossohuvvo lunša kantiinnas.  

12.00- Koordináhtorat sáhttet lágidit oahpahusa. Studeanttat mannet oahpahuslanjaide. 

 

Orienteren/rebus márkanis
Sámi allaskuvllas ja muđui Guovdageainnus,
Studeanttat lágidit. Áigi boahtá.

 

 

Distat, 24.08.21

Kurssat
Dii. 09.00-11.30, Sáhkaskáidi 

Mii lágidit máŋga oanehis kurssa dán jagi, earret eará studeantaekonomiija, psyhkalaš dearvvašvuođa, oahppoteknihka birra. Studeantaáitterdeaddji doallá maid kurssa. 
 
Olgobeaivi 
Dii. 17.00, Diehtosiidda olggobealde 

Studeanttat lágidit olgobeaivvi Diehtosiidda olggobealde. Lea vejolaš váldit mánáid mielde. Sámi allaskuvlla bargit sáhttet maid searvat. 

 

Gaskavahkku, 25.08.21

Almmolaš rahpandoalut ja konsearta 
Dii. 10.00-13.00, Diehtosiida olggobealde “Ámfis” 
 
Sámi allaskuvla rahppo almmolaččat. Mii ávvudit sáhkavuoruiguin, dearvvuođaiguin ja guoimmuhemiin Sámi allaskuvlla amfi:s olgun. Guossohuvvo lunša gussiide. 

Lágiduvvo maid konsearta. Sáhtát maiddái searvat ZOOM neahttaoktavuođa bokte. Liŋkka álmmuhuvvo ruovttusiidui “Dáhpáhusaid” vuollái.   

Sierra prográmma boahtá.

 

Duorastat, 26.08.21

Internationala studeanttaide diehtojuohkin 
Dii. 09.30-10.30 
Internašunaliserenráđđeaddi doallá diehtojuohkima olgoriika studeanttaide.  

Studeantamielváikkuheapmi ja studeantastivra 
14.00-14.45, Sáhkaskáidi 

Studeantastivra ja oahppohálddahus muitalit studeantamielváikkuheami birra. Studeantastivra muitala iežaset doaimmaid birra.  

 

Bearjadat, 27.08.21

Kurssat  
Dii. 09.00-10.30 

Mii lágidit máŋga oanehis kurssa dán jagi, earret eará studeantaekonomiija, psyhkalaš dearvvašvuođa, oahppoteknihka birra. Studeantaáitterdeaddji doallá maid kurssa. 

Studeanttaeahket 
Oahpasnuvvan, pizza, Quiza ja DJ
Gos: Maras Pub
Dii.20.00-22.30 (Dan áiggi gaskkas lea várrejuvvon studenttaide, mannjel 22.30 rahppasa puba maiddái earaide)
Eanet dieđut bohtet. 

 

Eanet dieđut bohtet. Prográmma sáhttá rievdat. Buot oasit mat dáhpahuvvet gaskkal 0900-15.30 streamejuvvojit, liŋkkat almmuhuvvojit dása ovdalaš doaluid. 

Mii čuovvut nášunala coronaeasttadandoaimmaid.