-Mihttun lea cegget ovttasbargguid gaskal Sámi ja min, dadjá Mimi Karlsen, Ruonáeatnama parlameantta ovdaolmmoš maŋŋel galledeami Sámi allaskuvllas.
Ođasvuorká
Hanna-Máret Outakoski virgáduvvon professorin Sámi allaskuvlii
Sámi allaskuvlla goahtejođiheaddji John-Marcus Kuhmunen lea hui rámis go Outakoski lea háliidan Sámi allaskuvlii.
Sámi dieđalaš áigečállagis ođđa nummir almmuhuvvon
Sámi dieđalaš áigečála (SDÁ) lea aitto almmuhan nuppi nummira dán jagi. SDÁ lea ovttasbargu gaskal Sámi allaskuvlla ja Sámi dutkamiid guovddáža mii gullá Norgga Árktalaš Universitehtii UiT:ii, mas sámi dutkanartihkkalat almmuhuvvojit.
Ođđa vejolašvuohta ohcat 2025 giđa oahpuide
Eanas oahpuin mat lágiduvvojit 2025 giđa lei ohcanáigemearri 1.12.24, muhto dáidda oahpuide lea vejolaš fas ohcat:
Badjel 3 miljovnna oahpaheaddjeoahpuid nannemii
Suoma oahpahus-ja kulturministeriija lea juolludan badjel 3 miljovnna ruvnno prošektii man ulbmilin lea ovddidit ja nannet universitehtaid ovttasbarggu sámegielat oahpaheaddjeoahpuin. Dasto lea jurdda álggahit oktasaš oahpu sámegiella nubbigiellan didaktihkas. Sámi allaskuvlla bealis lea Rauna Rahko-Ravantti mielde prošeavttas.
Sámi allaskuvla ovttasbargagoahtá Dáiddaakademijain
Sámi allaskuvla Giela-, duoji ja servodatdiehtaga(GDS) goahti bargágoahtá lagabui ovttas Kunstakademietin. GDS goađi duodjesuorgi lea leamaš guossis Kunstakademietis gos leat geahčadan mo nannet ovttasbarggu.
Gietkkama ja wahakura kultuvrralaš mearkkašupmi buresveadjimii
Sámi allaskuvlla duodjeprofessor Gunvor Guttorm lea duvle leamaš guokte vahku Aucklandas, Aoteaoras gos son lea searvan logaldallin ITP Research Symposium 2024 ja maiddái ráhkadan ja ovdanbuktán gietka- ja wahakuračájáhusa.
Norgga ambassáda Argentinas ávvudii davviriikkalaš dutkanovttasbarggu
Ođđa girji almmuhuvvon mas fáddá lea olmmošvuoigatvuođat oassin oahpaheaddjeoahpuin.
Vuosttažat geat leat čađahan sámi buohccidivššároahpu
Dá leat vuosttažat geat leat čađahan sámi buohccidivššároahpu ja nu leat sii historjjálaččat. Lea UiT Norgga Árktalaš Universitehta mii Sámi allaskuvlla ovttasbargguin lea čađahan buohccidivššároahpu Guovdageainnus.
